ئەردۆغان و سوودانی بەهێزکردنی پەیوەندییەکانیان تاوتوێ دەکەن

ئاڤا نیوز

ڕەجەب تەیب ئەردۆغان، سەرۆککۆماری تورکیا لە میانی بەشداریکردنی لە کۆبوونەوەی لووتکەی نائاسایی کۆمکاری عەرەبی و ڕێکخراوی هاریکاری ئیسلامی لەگەڵ محەممەد شیاع سوودانی، سەرۆکوەزیرانی عێراق کۆبووەوە، چۆنییەتی پتەوکردنی پەیوەندییەکانی نێوان عێراق و تورکیا لە زۆربەی سێکتەرەکاندا، تاوتوێ کرا.

چیرۆکی سەرەکی: هەریەک لە ئەردۆغان و سوودانی لە دەوحە بەشدارییان لە لووتکەی نائاسایی وڵاتانی کۆمکاری عەرەبی و ڕێکخراوی هاریکاری ئیسلامی کرد کە لە دژی هێرشەکانی ئیسرائیل بۆ سەر غەززە و هێرشەکەی قەتەر ڕێکخرابوو.

زانیاریی بەدەستهاتوو: لە کۆبوونەوەکەدا کە هەریەک لە هاکان فیدان، وەزیری دەرەوەی تورکیا و ئیبراهیم کاڵن، سەرۆکی دەزگای میت بەشداربوون باس لە چۆنییەتی پتەوکردنی پەیوەندی نێوان عێراق و تورکیا، کاری هاوبەش بۆ بەرەنگاربوونەوەەی تیرۆر و فراونکردنی پەیوەندییەکان لە زۆر بواری تردا، باس کراوە.