کەسێک بەتۆمەتی کوشتنی ئەکبەر حاجی ڕۆستەم دەستگیر کرا

ئاڤا نیوز

 

کەسێک بە تۆمەتی کوشتنی ئەکبەر حاجی ڕۆستەم دەستگیر کرا، بەگوتەی برایەکی ئەکبەر حاجی رۆستەم تۆمەتبارەکە بە ڕەچەڵەک عەرەب و دانی بەتاوانەکەیدا ناوە.

 

چیرۆکی سەرەکی: ڕێککەوتی 22ـی 9ـی 2025، ئەکبەر حاجی ڕۆستەم، یەکێک لە کەسایەتییە دیارەکانی سنووری گەرمیان لەناو باخەکەی لە گوندی ئۆمەربلی کفری کوژرا. 

 

لێدوانی فەرمی: جمهور رۆستەم، برای ئەکبەری حاجی رۆستەم بە ئاڤای گووت، "کەسێک بەناوی عەزیز عەزاوی لە فڕۆکەخانەی بەغداد دەستگیرکراوە بەتۆمەتی کوشتنی ئەکبەری برام".

 

براکەی ئەکبەر حاجی ڕۆستەم گوتیشی، تۆمەتبار دانی بە تاوانەکەیدا ناوە، پاش ئەوەی تاوانەکەی کردووە ویستویەتی بچێتە دەرەوەی عێراق.

 

ئەوەی پێویستە بیزانیت: بەگوێرەی زانیارییەکانی ئاڤا، تۆمەتبارەکە بە ڕەچەڵەک عەرەبە و مانگێک پێش ئێستا زەوییەکی لە ئەکبەر حاجی ڕۆستەم بە کرێ گرتووە تاوەکو کشتوکاڵی تێدا بکات.