كۆلێژی ئاسایشی نیشتمانی لە زانكۆی سلێمانی دەكرێتەوە; بەشی ئاسایشی ئەلیکترۆنی و هەواڵگری لەخۆدەگرێت

ئاڤا نیوز

 

بەپێی نووسراوێك كە وێنەیەكی دەست ئاڤا میدیا كەوتووە، وەزارەتی خوێندنی باڵا و توێژینەوەی زانستیی هەرێمی کوردستان ڕەزامەندی داوە لەسەر كردنەوەی كۆلێژی ئاسایشی نیشتمانی لەنێو زانكۆی سلێمانی كە سێ بەشی پەیوەست بە ئاسایش و هەواڵگری لەخۆدەگرێت.

 

نووسراوی فەرمی: بەگوێرەی فەرمانی زانكۆیی زانكۆی سلێمانی بە ژمارە 11209 لە 21ـی ئەیلوولی 2025، كە وێنەیەكی تایبەت دەست ئاڤا میدیا كەوتووە، وەزارەتی خوێندنی باڵا و توێژینەوەی زانستی بڕیاری دا بە كردنەوەی كۆلێژی ئاسایشی نیشتمانی لە زانكۆی سلێمانی بۆ ساڵی خوێندنی 2025-2026.

 

لێدوانی فەرمی: عەباس ئەکرەم، وتەبێژی وەزارەتی خوێندنی باڵا بە ئاڤای گوت، ئەمساڵ کۆمەڵێک بەش لە زانکۆکانی کوردستان کراوەتەوە، ئەم بەشەش لە چوارچێوەی ئەو بەشانەیە.

 

زانیاریی زیاتر: كۆلێژی ئاسایشی نیشتمانی، هەرسێ بەشی (ئاسایشی ئەلیكترۆنی، دیراساتی ئاسایش و دیراساتی هەواڵگری) لەخۆدەگرێت و، مەرجی وەرگرتنی خوێندكاران و قوتابیان بەندە بە تەواوكردنی گشت پێداویستییەكانی خوێندن لەو كۆلێژەدا.