بە ئامادەبوونی سەرۆكوەزیران مەسرور بارزانی لە هەولێر کۆنفراسێکی گەورەی مەسیحییەکان دەکرێت

ئاڤا نیوز

یەکەمین کۆنفرانسی بەرفراوانی مەسیحییەکان لەسەر ئاستیی ڕۆژهەڵاتی ناوەڕاست لە شاری هەولێر دەکرێت کە چەندین کەسایەتیی سیاسی و ئاینیی تیایدا بەشداریی دەکەن. 

چیرۆکی سەرەکی: بە ئامادەبوونی سەرۆکوەزیران مەسرور بارزانی و چەندین کەسایەتیی سیاسی و ئاینیی لە هەرێمی کوردستان، ئەمڕۆ شەممە بەبۆنەی تێپەڕبوونی 1700 ساڵ بەسەر دامەزراندنی یەکەم ئەنجوومەنی قەشەکان لە کلێسای نیقیە، کۆنفرانسێکی گەورەی مەسیحییەکان دەکرێت. 

زانیاریی زیاتر: ئەم کۆنفرانسە یەکێک لە بەرفراوانترین کۆنفرانسەکان لەسەر ئاستیی جیهان، هاوکات چەندین دەیان توێژەری ئاینیی مەسیحی بەشداریی تێدا دەکەن. 

ئەوەی پێویستە بیزانیت: ئەمە یەکەمین کۆنفرانسی لەم شێوەیەیە کە لەسەر ئاستیی ڕۆژهەڵاتی ناوەڕاست لە شاری هەولێر ئەنجام دەدرێت، پێشتر لە وڵاتانی ناوچەکە چالاکییەکی لەم شێوەیە و بەم فراوانییە نەکراوە.

باکگراوند: ئەنجوومەنی یەکەمی نیقییە بەناوی شاری نیقییەی یۆنان ناونراوە کە دەکەوێتە کەناراوەکانی ڕۆژئاوای ئەنادۆڵ، ئەم ئەنجوومەنە وەکو کاردانەوەیەک دروستبوو بۆ تاوتوێکردن و ڕەتکردنەوەی ئەو زیادخستنەسەرانەی کە قەشە ئاریوس هەیبوو و بۆچوونی جیاوازی لەبارەی ئاینیی مەسیحەوە هەبوو.