پزیشکانی بێسنوور تەواوی چالاکییەکانی لە شاری غەززە ڕادەگرێت

ئاڤا نیوز

 

ڕێکخراوی پزیشکانی بێسنوور ڕایگەیاند، بەهۆی ئۆپەراسیۆنە سەربازییەکانی ئیسرائیلەوە تەواوی چالاکییەکانی لە شاری غەززە هەڵدەپەسێرێت.

 

ڕاگەیێنراوی فەرمی: ڕێكخراوەکە ڕایگەیاندووە هێزەکانی ئیسرائیل گەمارۆی ناوەندە تەندرووستییەکانی داوە و تانکەکانی ئیسرائیل تەنیا یەک کیلۆمەتر لە ناوەندە پزیشکییەکانیانەوە دوورن.

 

زانیاریی زیاتر: ئیسرائیل داوای لە دانیشتوانی شاری غەززە کردووە شارەکەیان بەجێبهێڵن، بەڵام پزیشکانی بێسنوور دەڵێت سەدان هەزار کەس وەک منداڵانی نەخۆش و کەسانی بریندار لە شارەکەدا هەن کە توانای هەڵاتن و کۆچکردنیان نییە.

 

لەلایەکی دیکەوە: ڕێکخراوی تەندروستیی جیهانی ڕایگەیاندووە زیاتر لە 15 هەزار کەس لە شاری غەززە لە دۆخێکی تەندروستیی زۆر خراپدان و پێویستە بە مەبەستی چارەسەر بگوازرێنەوە، بەڵام هێرشەکانی ئیسرائیل بۆ سەر ناوەندە پزیشکییەکان دۆخی ژیانی ئەو نەخۆشانەی سەختتر کردووە.