وەزارەتی خوێندنی باڵا ناوی زانکۆ تایبەتە مۆڵەتپێدراوەکان بڵاودەکاتەوە

ئاڤا نیوز

 

وەزارەتی خوێندنی باڵا و توێژینەوەی زانستیی کوردستان لیستی ناوی ئەو زانکۆ تایبەتانە بڵاودەکاتەوە کە مۆڵەتیان پێدراوە و بۆ ئەمساڵی خوێندن قوتابیان دەتوانن لەو زانکۆیانە بخوێنن.

 

لێدوانی فەرمی: عەباس ئەکرەم، وتەبێژی وەزارەتی خوێندنی باڵا و توێژینەوەی زانستی بە ئاڤا میدیای وت، بەپێى یاساى ژمارە 2ـی ساڵى 2013، یاساى زانکۆ تایبەتەکان لە هەرێمى کوردستان، لە ئێستادا وەزارەت تەنها مۆڵەتی بە 17 زانکۆ و کۆلێژی زانکۆیی تایبەت داوە بۆ ئەوەی بۆ ساڵی خوێندنی 2025 – 2026  قوتابیان وەربگرن.

 

- وەک بەرچاوڕوونی بۆ قوتابیان و دایکان و باوکان لیستی ناوی ئەو زانکۆ تایبەتەکانمان بڵاوکردەوەتەوە و لەدەرەوەی ئەم لیستە هیچ زانکۆیەکی دیکەی باوەڕپێکراو نییە.

 

ئەوەی پێویستە بیزانیت: لە ڕاگەیێنراوێکدا وەزارەتی خوێندنی باڵا و توێژینەوەی زانستی دەڵێت، سەبارەت بە زانکۆ و پەیمانگە تایبەتەکان بەپێى یاساى ژمارە (2)ـی ساڵى (2013)ـی یاساى زانکۆ تایبەتەکان لە هەرێمى کوردستان، لە ئیستادا وەزارەت تەنیا مۆڵەتی بە (17) زانکۆ و کۆلێژی زانکۆیی تایبەت داوە بۆ ئەوەی ساڵی نوێى خوێندن قوتابی و خوێندکار وەربگرێت. لەدەرەوەی ئەم لیستە هیچ زانکۆیەکی دیکە باوەڕپێکراو نیە. هەروەها (32) پەیمانگەى تایبەتیش مۆڵەتى کارکردنیان هەیە.

زانکۆ حکومییەکانى هەرێمى کوردستان؛
- زانکۆى سەڵاحەدین
- زانکۆى سلێمانى
- زانکۆى دهۆک
- زانکۆى هەولێرى پزیشکى
- زانکۆى پۆلیتەکنیکى سلێمانى
- زانکۆى پۆلیتەکنیکى دهۆک
- زانکۆى پۆلیتەکنیکى هەولێر
- زانکۆى کۆیە
- زانکۆى سۆران
- زانکۆى هەڵەبجە
- زانکۆى زاخۆ
- زانکۆى گەرمیان
- زانکۆى ڕاپەرین
- زانکۆى چەرموو
- زانکۆى ئاکرێ بۆ زانستە کردارییەکان
- زانکۆى پۆلیتەکنیکى گەرمیان
-  دەستەى کوردستانى بۆ دیراساتى ستراتیژى و توێژینەوەى زانستى
- ئەنجومەنى کوردستان بۆ پسپۆڕییە پزیشکییەکان
- زانکۆی کوردستان - هەولێر
- زانکۆی ئەمریکی کوردستان - دهۆک

زانکۆ تایبەتەکانی هەرێمى کوردستان؛

پارێزگاى هەولێر  
- زانکۆی جیهان - هەولێر
- زانکۆی نێودەوڵەتیی تیشک
- زانکۆی لوبنانی-فەرەنسی
- زانکۆی نۆڵیج
- زانکۆی کاسۆلیک
- زانکۆی هەولێری نێودەوڵەتی
- زانکۆی بەیان
- کۆلێژی قەڵای زانکۆیی بۆ دیراساتی ئایینی

پارێزگاى سلێمانى
- زانکۆی ئەمریکی لە عێراق - سلێمانی
- زانکۆی کۆمار بۆ زانست و تەکنەلۆژیا
- زانکۆی جیهان - سلێمانی
- زانکۆی قەیوانی نێودەوڵەتی
- زانکۆی گەشەپێدانی مرۆیی
- زانکۆی نێودەوڵەتیی تیشک - لقی سلێمانی
- کۆلێژی گۆیژەیی زانکۆیی بۆ دیراساتی ئایینی

پارێزگای دهۆک
- زانکۆی نەورۆز
- زانکۆی جیهان - دهۆک