دوو بوومەلەرزەی بەهێز تورکیا دەهەژێنن

ئاڤا نیوز

دوو بوومەلەرزە بە گوڕی 5.4 و 4.0 پلە بە پێوەری ڕێختەر شارۆچکەی سیماڤ لە پارێزگای کوتاهیا  تورکیا دەهەژێنن.

بڵاوکراوەی فەرمی: دامەزراوەی بەڕێوەبردنی کارەساتەکان و دۆخی لەناکاو لە تورکیا (ئافاد) ڕایگەیاندووە؛ ئەو بوومەلەرزەیەی گوڕەکەی 5.4  پلە بووە لە قوڵایی 8.46 کیلۆمەتر لە توێكڵی زەویدا ڕووی داوە.

زانیاریی زیاتر: بەگوێرەی بڵاوکراوەی میدیاکانی تورکیا، چەقی بوومەلەرزەکە پارێزگای کۆتاهیا بووە و گوڕی بوومەلەرزەکە 5.4 پلە بووە بە پێوەری ڕێختەر، هاوکات لە پارێزگاکانی ئیستەنبووڵ و باڵکئەسیر و بورسا و تەکیرداغ و ئیزمیر هەستی پێکراوە.