کۆبوونەوەی ترەمپ و نەتەنیاهۆ جەنگی غەززە ڕادەگرێت؟

ئاڤا نیوز

ئەمڕۆ لە کۆشکی سپی هەر یەکە لە دۆناڵد ترەمپ، سەرۆکی ئەمریکا و بنیامین نەتەنیاهۆ، سەرۆکوەزیرانی ئیسرائیل لەسەر پرسی غەززە کۆدەبنەوە و میدیای ئەمریکیی و ئیسرائیلیی باس لەوە دەکەن پێشهاتی تازە و ئەرێنی هەن و هێماش بۆ ئەوە دەکەن کە کۆتاییهاتنی جەنگی غەززە نزیکە.

زانیاریی بەدەستهاتوو: ماڵپەڕی ئەکسیۆسـی ئەمریکی ئاشکرای کردووە، دانوستانەکانی نێوان ئەمریکا و ئیسرائیل سەبارەت بە پلانی دۆناڵد ترەمپ، سەرۆکی ئەمریکا بۆ کۆتاییهێنان بە جەنگی غەززە پێشکەوتنی بەرچاو بەدەستهاتووە.

ئەوەی لەبارەیەوە دەگوترێت: ستیڤ ویتکۆف، نێردەی ترەمپ بۆ ڕۆژهەڵاتی ناوەڕاست و جارێد کوشنەر، زاوای ترەمپ لەگەڵ بنیامین نەتانیاهۆ، سەرۆکوەزیرانی ئیسرائیل کۆبوونەتەوە لەسەر پلانی ترەمپ گفتۆگۆیان کردووە، سەرچاوەیەکی ئەمریکیش لەبارەی کۆبوونەوەکە وتی ، هەردوولا زۆر نزیکن لە گەیشتن بە ڕێککەوتن.

بۆچی گرنگە: پلانی ئاشتیی ترەمپ کە ناسراوە بە "پلانی 21 خاڵ''ـی وەک گرنگترین هەوڵ تا ئێستا بۆ کۆتاییهێنان بە جەنگەکە سەیر دەکرێت. ترەمپیش دەڵێت، ڕێککەوتنەکە ڕێگە بۆ ئاشتییەکی فراوانتر لە ڕۆژهەڵاتی ناوەڕاست دەکاتەوە.

زانیاریی زیاتر: سەرچاوەیەکی نزیک لە نەتانیاهۆ بە دەستەی پەخشی ئیسرائیلی ڕاگەیاندووە، چانسی ڕازیبوون بە پلانەکەی ترەمپ لەلایەن ئیسرائیلەوە ڕوو لە زیادبوون دەکات.