ڕووسیا: ئۆکراینا ئارەزووی دانوستان ناکات

ئاڤا نیوز

لەبارەی دەستپێکردنەوەی دانوستانەکانی نێوان ڕووسیا و ئۆکراینا، مۆسکۆ ئاشکرای دەکات کە تاوەکو ئێستا هیچ نیشانەیەک نییە کە کێیڤ بیەوێت دەست بە دانوستان بکاتەوە.

وێنە گەورەکە: ماوەی سێ ساڵە جەنگی نێوان ڕووسیا و ئۆکراینا بەردەوامە، هەوڵەکانی بەردەوامن بۆ ڕاگرتنی جەنگەکە، بەڵام تا ئێستا هیچ هیوایەک نییە بۆ ئەو مەبەستە.

لێدوانی فەرمی: دیمیتری پێسکۆڤ، وتەبێژی کۆشكی سەرۆکایەتیی ڕووسیا کرێملن لە وەڵامی پرسیارێکدا سەبارەت بەوەی ئایا هیچ ئاماژەیەک هەیە بۆ دەستپێکردنەوەی گفتوگۆکانی نێوان شاندی ڕووسیا و ئۆکراینا، لە وەڵامدا پیسکۆف بە نەخێر وەڵامی دایەوە و وتی تاوەکو ئێستا هیچ ئاماژەیەک لە کێیڤەوە نییە. هاوکات، هۆکاری وەستانی دانوستانەکانی گەڕاندەوە بۆ ئەوەی کە کێیڤ ئارەزووی ئەنجامدانی دانوستانی نەبووە.

کاریگەری و لێکەوتەکان: ئەمە لە کاتێکدایە، ڕووسیا و ئۆکراینا لە هێرشەکانیان بەردەوامن بە سەدان درۆن و فڕۆکەی بێفڕۆکەوان پێگەی یەکتری بۆمباران دەکەن هیچ نیشانەیەکیش لە ئاردا نییە کە بتوانێت ئەم جەنگە کە ماوەی سێ ساڵە بەردەوامە کۆتایی پێبهێنێت.