کێشەی بازگەکانی کەرکووک چارەسەر دەکرێت

ئاڤا نیوز

 

لە ئەمڕۆ چوارشەممەوە 1-10-2025، ڕێکاریی نوێ لە هەردوو بازگەی دارەمان و چیمەن لە کەرکووک جێبەجێ دەکرێن ئەویش دانانی دوو ڕێڕەوە بۆ  پشکنینی بارهەڵگرەکان.

 

وێنە گەورەکە: لە ماوەی ڕابردوو لە هەردوو بازگەکانی نێوان هەرێمی کوردستان و پارێزگاکانی دیکەی عێراق، ئاستەنگی زۆر بۆ ئەو شۆفێرانە دروست دەکرا لە هەرێمی کوردستانەوە بەرەو باشوور و ناوەڕاستی عێراق کاڵایان دەگواستەوە.

 

زانیاریی پەیامنێر: دیار محەممەد، پەیامنێری ئاڤا  میدیا لە کەرکووک گوتی: لە ئەمڕۆوە ڕێککاری نوێ لە هەردوو بازگەی دارەمان و چیمەن دەگیرێنەبەر، ئامادەکاریش بۆ جێبەجێ کردنی ڕێککارە نوێیەکان کراوە.

 

بە گوتەی دیار محەممەد بەپێی ڕێککارە نوێیەکان دوو ڕێڕەو بۆ پشکنینی بارهەڵگرەکان دانراون، بەمجۆەرە:

یەکەم: ڕێگای ئەو بارهەڵگرانەی فلاتن و بارەکانیان دیارە.
دووەم: ڕێگای ئەو بارهەڵگرانەی داخراون و بارەکانیان دیار نییە. 

 

بۆچوونی لایەنی بەرامبەر: شۆفێرانی بارهەڵگر ئاماژە بۆ ئەوە دەکەن، ئەم ڕێکارانە قەرەباڵغی کەم کردووەتەوە، بەڵام هێشتا کێشەی کارپێنەکردنی ئامێرەکانی پشکنینی سۆنار بەردەوامە و تا زۆر قەرەباڵغ نەبێت ئامێرەکان کاریان پێناکرێت.

 

ئەمەش بزانە: بازگەی دارەمان کەوتووەتە سەر ڕێگای هەولێر - کەرکووک، بازگەی چیمەنیش کەوتووەتە سەر ڕێگای سلێمانی - کەرکووک.