شاندێکی باڵای ئەمنيی سووریا گەیشتە مۆسکۆ

ئاڤا نیوز

لە چوارچێوەی پەرەپێدانی میکانیزمەکانی هەماهەنگی نێوان هەردوو وەزارەتی بەرگریی سووریاو ڕووسیا، شاندێکی باڵای ئەمنی سووریا گەیشتە مۆسکۆی پایتەختی ڕووسیا.

چیرۆکی سەرەکی: لیوا عەلی نەعسان، سەرۆکی ئەرکانی گشتی سوپای سووریا، بە سەرۆکایەتی شاندێکی فەرمی وەزارەتی بەرگریی سووریا، ئێوارەی ڕۆژی چوارشەممە گەیشتە مۆسکۆی پایتەختی ڕووسیا و لەلایەن یونس بێک یەڤکوورۆڤ، جێگری وەزیری بەرگریی ڕووسیا پێشوازی لێکرا.

ڕاگەیێنراوی فەرمی: بەگوێرەی ڕاگەیێنراوی وەزارەتی بەرگريی سووریا ئەم سەردانە "لە چوارچێوەی پەرەپێدانی میکانیزمەکانی هەماهەنگی نێوان هەردوو وەزارەتی بەرگری لە هەردوو وڵاتدا دێت".

ئەوەی پێویستە بیزانیت: لە کۆتایی مانگی تەممووزی ڕابردوودا، ئەسعەد شەیبانی، وەزیری دەرەوە و مورهەف ئەبو قەسرە، وەزیری بەرگریی سووریا سەردانی مۆسکۆی پایتەختی ڕووسیایان کرد و زنجیرەیەک کۆبوونەوە و گفتوگۆی چڕیان لەگەڵ بەرپرسان و سەرکردەکانی ڕووسیا ئەنجامدا.