کۆشكی سپی: گفتوگۆی هەستیار لەسەر پلانی ترەمپ بۆ ئاشتی دەکرێت

ئاڤا نیوز

دوای ئەوەی دۆناڵد ترەمپ، پلانێکی 20 خاڵی ڕاگەیاند بۆ وەستانی جەنگ لە غەززە، ئیسرائیل ڕازیببوونی خۆی ڕاگەیاند، ئێستا تەنیا وەڵامی حەماس ماوە، کۆشكی سپی لەبارەی ئەم پرسەوە دەڵێت گفتوگۆی هەستیار لەسەر پلانەکە بەڕێوەدەچێت

چیڕۆکی سەرەکی: دوای ڕازیبوونی ئیسرائیل بە پلانی ئاشتی دۆناڵد ترەمپ، سەرۆکی ئەمریکا بۆ غەززە، حەماس سەرقاڵی تاوتوێکردنی پلانە 20 خاڵییەکەیە بۆ ئاگربەستی غەززە ترەمپیش مۆڵەتێکی سێ تا چوار ڕۆژی بە حەماس داوە تا وەڵامی پلانەکە بداتەوە.

لێدوانی فەرمی: کارۆلین لیفت، وتەبێژی کۆشکی سپی ڕایگەیاند، "گفتوگۆی هەستیار" لە ئێستادا سەبارەت بە پێشنیازی ترەمپ بۆ کۆتاییهێنان بە جەنگی غەززە لە ئارادایە.

زانیاریی زیاتر: دوێنی چوارشەممە شاندی بزووتنه‌وه‌ی حەماس بۆ تاوتوێکردنی پلانە 20 خاڵییەکەی تره‌مپ، لەگەڵ شاندی تورکیا، میسر و قەتەر كۆبوونەوە، حەماس داوای لە نێوەندگیران کردووە کە ڕوونکردنەوەی پێویستیان پێ بدەن سەبارەت بە هەندێک دەستەواژە و بڕگەی ناو پلانەکە.