ئەردۆغان: نەتانیاهۆ بە هەموو جیهانی پیشاندا بە هیچ شێوەیەک ئاشتی ناوێت

ئاڤا نیوز

سەرۆککۆماری تورکیا ئیدانەی هێرشی ئیسرائیل بۆ سەر کەشتیگەلی خۆڕاگری دەکات و بە هۆکاری ناسەقامگیری و ئەنجامدەری کۆمەڵکوژی ناوی دەبات.

چیرۆکی سەرەکی: شەوی ڕابردوو سوپای ئیسرائیل هێرشی کردە سەر کەشتیگەلی خۆڕاگری کە بەرەو غەززە و بۆ شکاندنی گەمارۆی سەر شارەکە بەڕێکەوتبوون، 13 کەشتی لە لایەن ئیسرائیلەوە دەستی بەسەردا گیرا کە زیاد لە 200 چالاکوان سەرنشینی هەبوو، بەڵام 30 کەشتی و بەلەم بەردەوامن بە ئاراستەی غەززە.

لێدوانی فەرمی: ڕەجەب تەیب ئەردۆغان، سەرۆککۆماری تورکیا ئەمڕۆ پێنجشەممە لە کۆبوونەوەی پارتی داد و گەشەپێدان، ئاکپارتی ڕایگەیاند، ئیسرائیل بە هێرشکردنە سەر کەشتیگەلی خۆڕاگری کە بۆ هاوکاریکردنی خەڵکی غەززە و شکاندنی گەمارۆی ستەمکارانە لە نەتەوە و وڵاتانی جیاوازەوە بەڕێکەوتبوون، جارێکی تر بە جیهانییان پیشاندا کە  ئاشتیان ناوێت و بەرپرسیارن لە برسیکردن و کوشتنی خەڵکی بێتاوان.

زانیاریی زیاتر: سەرۆککۆماری تورکیا لە درێژەی وتەکانیدا گووتی، تورکیا  بەدواداچوون بۆ هاوڵاتیانی تورکیا دەکات کە لە کەشتیگەلەکەدا بەشداربوون، پاراستنی گیانی هەموو هاوڵاتیانیی لە ئەستۆی ئیسرائیل و نەتانیاهۆیە.