پێش جەژن شایستە داراییەکانی وانەبێژان خەرج دەکرێت

ئاڤا نیوز

 

بە بڕیاری سەرۆکوەزیران بارزانی بە زووترین کات و پێش جەژنی ڕەمەزان، شایستە داراییەکانی مامۆستایانی وانەبێژ خەرج دەکرێت.

 

ڕاگەیێنراوی فەرمی: ئالان حمەسەعید، وەزیری پەروەردەی هەرێمی کوردستان ڕایگەیاند، "سەبارەت بە شایستەی دارایی مامۆستایانی وانەبێژ، سەرۆکی حکومەتی هەرێمی کوردستان بڕیاری دا بەزووترین کات و پێش جەژن شایستە داراییەکانیان خەرج بکرێت".

 

ئەوەی پێویستە بیزانیت: ژمارەی مامۆستایانی وانەبێژ لە هەرێمی کوردستان 36 هەزار مامۆستایە و مووچەی مانگانەیان نزیکەی 14 ملیار دینارە.

 

ئەمەش بزانە: بەپێی ڕێنمایی و بڕیاری ژمارە 14ـی دارایی، ئەو مامۆستا وانەبێژانەی هەڵگری بڕوانامەی دبلۆمن، 350 هەزار دیناریان بۆ خەرج دەکرێت و بۆ هەڵگرانی بڕوانامەی بەکالۆریۆسیش 400 هەزار دینار خەرج دەکرێت.

 

باكگراوند: نزیکەی 35 هەزار و 550 وانەبێژ لە هەرێمی کوردستان هەن. مانگانه‌ 13 ملیار دینار وەکو شایستەی دارایی لەلایەن وەزارەتی داراییەوە بۆیان تەرخانکراوە.