ئەردۆغان: ڕۆژانە پێویستیمان بە یەک ملیۆن بەرمیل نەوتە

ئاڤا نیوز

سەرۆککۆماری تورکیا سەرنج دەخاتە سەر ئەوەی، ئەوان ناتوانن وەک وڵاتانی دەورووبەر بەپێی پێویستی ناوخۆیی وزە بەرهەم بهێنین و دەڵێت: بۆ دابینکردنی وزە تەنیا پشت بە یەک وڵات و یەک سەرچاوە نابەستین و وزە بەس لە یەک وڵات ناکڕین.

لێدوانی فەرمی: سەرۆککۆماری تورکیا لە 11ـمین کۆڕبەند و پێشانگای بەرهەمی وزە، وتارێکی پێشکەش کرد و وتی، لە ماوەی 22 ساڵی ڕابردوودا خواست لەسەر بەکارهێنانی گازی سرووشتی لە ساڵێکدا لە 17.4 ملیار مەتر سێجاوە هەڵکشاوە بۆ 55 ملیار مەتر سێجا. 

 ئەردۆغان لە وتارەکەی ئەمانەشی وت:

- ڕۆژانە نزیکەی یەک ملیۆن بەرمیل نەوت بەکار دەهێنن و خۆشمان ڕۆژانە 160 هەزار بەرمیل نەوت بەرهەم دەهێنن و بەردەوامن لە گەڕان بە دوای نەوتدا. 

- وەک دەزانن کڕینی گازی سروشتی لە بازاڕە جیهانییەکان، هەروا ئاسان نییە و نابێت پشت بە یەک وڵات و یەک سەرچاوە ببەستین و وزە بەس لەو وڵاتە بکڕین.

- هەر کەسێک لە خەمی تورکیادا بێت، بەوە هەراسان نابێت. (مەبەستی ئەردۆ‌غان لێرە جەهەپە بوو).