بەرپرسێکی ئیسرائیلی: دانوستانەکان لەگەڵ حەماس درێژە دەکێشێن

ئاڤا نیوز

حەماس و ئیسرائیل لەسەر پلانەکەی ترمپ بۆ ڕاگرتنی جەنگ و ڕێککەوتنی ئاشتی ڕازیبوون، هەردوولا لەڕێگەی نێوەندگیرانەوە لەبارەی وردەکارییەکانی پلانەکە گفتوگۆیان دەستپێکردووە

وێنە گەورەکە: شەڕی غەززە لە دووەم ساڵی نزیکدەبێتەوە و ئێستا پلانی ئاشتیی ترەمپ کە ناسراوە بە "پلانی 20 خاڵ''ـی وەک گرنگترین هەوڵ تا ئێستا بۆ کۆتاییهێنان بە جەنگەکە سەیر دەکرێت هەر یەکە لە ئیسرائیل و حەماس لەسەر خاڵەکانی ناو پلانەکە گفتوگۆ دەکەن.

زانیاریی بەدەستهاتوو: بەرپرسێکی باڵای ئیسرائیل بە ئاژانسی هەواڵی ڕۆیتەرز ڕایگەیاند، ''چاوەروان دەکرێت دانوستانە ناڕاستەوخۆکانی نێوان ئیسرائیل و حەماس لە میسر بۆ چەند ڕۆژێک بەردەوام بێت،هاوکات دووپاتیکردەوە کە ئامانجی هەردوولا گەیشتن بە ڕێککەوتنێکی هەمەلایەنە و وردە نەک هەر ئاگربەستێکی کاتی''.

زانیاریی زیاتر: لەبارەی ئەگەری گەیشتن بە ڕێککەوتنی خێرا هەمان سەرچاوەکە ڕەتیکردەوە، بە لەبەرچاوگرتنی پێویستی چارەسەرکردنی وردەکارییە وردترەکان.