یەکەم گەڕی دانوستانەکانی ئاگربەستی غەززە کۆتایی هات

ئاڤا نیوز

سەرۆکی ئەمریکا جارێکی دیکە گەشبینی خۆی دووپاتدەکاتەوە سەبارەت بە چانسی گەیشتن بە ڕێککەوتنی نێوان ئیسرائیل و حەماس بۆ کۆتاییهێنان بەشەڕی غەززە، بەو پێیەی شاندەکانیان یەکەم گەڕی دانوستانیان لەسەر پلانی ترەمپ بۆ ئاشتی ئەنجامدا.

وێنە گەورەکە: میسر میوانداری دانوستانەکانی ناڕاستەوخۆی نێوان ئیسرائیل و حەماس کرد و دوێنی دووشەممە گەڕی یەکەمی دانوستانی نێوان هەردوولا بەنێوەندگیری میسر، قەتەر و ئەمریکا بەڕێوەچوو گفتوگۆیان لەبارەی پلانەکەی ترمپ بۆ ئاشتی لە ‌غەززە کرد.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، "هێڵی سوورم هەیە ئەگەر هەندێک شت جێبەجێ نەکرێن، ئێمە بەردەوام نابین، بەڵام پێموایە شتەکان بە باشی بەڕێوەدەچن و پێموایە حەماس بە شتی زۆر گرنگ ڕازی بووە.''

زانیاریی زیاتر: سەرچاوە میسرییەکان ئاشكرایان کردووە، گەڕی یەکەمی دانوستانەکانی نێوان ناوبژیوانان و بزووتنەوەی حەماس لە میسر بەشێوەیەکی ئەرێنی کۆتایی هات.

زانیاریی بەدەستهاتوو: سەرچاوەکان ئاشكرای دەکەن، حەماس مەرجی ئاگربەستی دیاریکردووە ئەویش داوای کشانەوەی هێزەکانی ئیسرائیل لەناوچەی نیشتەجێبوون و میحوەرە سەرەكییەكانی ناو کەرتی غەززە دەکات و پێش ئەوەی بە بارمتەکان ئازاد بكرێت.