لە حەوتی ئۆکتۆبەرەوە ئەمریکا بەبەهای 21 ملیار دۆلار هاوکاری پێشكەش بە ئیسرائیل کردووە

ئاڤا نیوز

ئەمڕۆ دوو ساڵ بەسەر هێرشی حەوتی ئۆکتۆبەری چەکدارانی حەماس بۆ سەر ئیسرائیل تێپەڕدەبێت، چەند سەرچاوەیەکی ئەکادیمی تێچوو و بڕی هاوکارییە سەربازییەکانی ئەمریکا بۆ ئیسرائیل دەخەنەڕوو.

زانیاریی بەدەستهاتوو: لێکۆڵینەوەیەکی ئەکادیمی نوێ بڵاوکردووەتەوە، ''ئیدارەی ئەمریکا لەسەردەمی جۆباید،ن سەرۆکی پێشوو و دۆناڵد ترەمپ، سەرۆکی ئێستای وڵاتەکە هاوکاری سەربازیی پێشکەش بە ئیسرائیل کردووە کە بەهاکەی لە 21 ملیار و 700 ملۆن دۆلار کەمتر نییە لە سەرەتای دەستپێکردنی جەنگی غەززەوە کە ئەمڕۆ سێشەممە ئەم شەڕە پێی نایە ساڵی دووەمییەوە".

لەلایەکی دیکەوە: کۆلێژی واتسۆن بۆ کاروباری گشتیی نێودەوڵەتی لە زانکۆی براونی ئەمریکا لەسەر هەمان پرس ژمارەیەکی جیاواز دەخاتەڕوو، ئاشكرای کردووە،'' ئەمریکا لەماوەی دوو ساڵی ڕابردوو نزیکەی 10 ملیار دۆلاری زیاتری لە هاوکاری و ئۆپەراسیۆنە ئەمنییەکانی ئیسرائیل لە ڕۆژهەڵاتی ناوەڕاست خەرج کردووە''.

ئەوەی پێویستە بیزانیت: تاوەکو ئێستا وەزارەتی دەرەوەی ئەمریکا لەسەر ئەم پرسە هیچ لێدوانێکی نەداوە.