دەستدرێژی گوللە لە بارەگایەکی پارتی لە سنووری سلێمانی کرا

ئاڤا نیوز

 

کەمێک پێش ئێستا لەسەر شەقامی سەرەکیی ناحیەی عەربەت لە سنووری پارێزگای سلێمانی دەستدرێژی گوللە لە بارەگای ناوچەی عەربەتی پارتی دیموکراتی کوردستان کرا.

 

لێدوانی فەرمی: جەوهەر ئاوەكەڵەیی، كارگێڕی لق لە مەكتەبی ڕێكخستنی پارتی لە پارێزگای سلێمانی ڕایگەیاند: ئۆتۆمبێلێك بە خێراییەكی زۆرەوە بەسەر شەقامی سەرەكیی بەردەم بارەگای ناوچەی عەربەتدا ڕۆیشتووە و تەقەی بە ئاراستەی بارەگاكە كردووە و لەلایەن پاسەوانی بارەگای ناوچەوە وەڵامی دراوەتەوە و ئۆتۆمبێلێكە شوێنەكەی جێهێشتووە.

لەلایەکی دیکە؛ گوتیشی هێزە ئەمنییەكانی سنوورەكە هاتوونەتە سەر خەت و دەستیان بە لێكۆڵینەوە كردووە و لەڕێگەی كامێراكانی چاودێرییەوە هەوڵی دۆزینەوەی ئۆتۆمبێل و تەقەكەرەكە دەدرێت.

 

ئەوەی پێویستە بیزانیت: ئەو بەرپرسەی پارتی جەختیشی كردەوە كە هیچ كەسێك لە ئەنجامی تەقەكان لەو بارەگایەی پارتی زامدار نەبووە.