پووتین یادی 73 ساڵەی لەدایکبوونی دەکاتەوە؛ کیم جۆنگ ئوون و ئەردۆغان پیرۆزبایی لێدەکەن

ئاڤا نیوز

کۆشكی سەرۆکایەتیی ڕووسیا ڕایگەیاند، ڤلادیمێر پووتین، سەرۆکی ڕووسیا یادی 73 ساڵەی لەدایکبوونی خۆی لە ئۆفیسی خۆی دەکاتەوە ئەمە جیا لە ئەنجامدانی چەندین پەیوەندیی گرنگ.

 

لێدوانی فەرمی: دیمیتری پێسکۆڤ، وتەبێژی کرێملین ڕایگەیاند، ڤلادێمیر پووتین، سەرۆکی ڕووسیا لەگەڵ ئەندامانی ئەنجوومەنی ئاسایشی ڕووسیا کۆبووەوە. گوتیشی، بەشێوەیەکی نەریتیی پووتین ڕۆژی لەدایکبوونی خۆی بە کارکردن لەسەر کاروباری جۆراوجۆری دەوڵەت بەسەر دەبات، هاوکات سەرکردەکان نامەی پیرۆزبایی ئاراستەی پووتین دەکەن".

 

ئەوەی لەبارەیەوە دەگوترێت: سەرۆکایەتیی کۆماری تورکیا ڕایگەیاند، ڕەجەب تەیب ئەردۆغان سەرۆککۆماری وڵاتەکە لەڕێگەی پەیوەندییەکی تەلەفۆنی  پیرۆزبایی ڕۆژی لەدایکبوونی لە پووتین کردووە.

 

-کیم جونگ ئوون ڕێبەری کۆریای باکوور پیرۆزبایی لە پووتین کرد و وتی، پووتین ڕۆڵێکی گرنگی لە بوونیادنانی جیهانێکی نوێدا هەبووە.

 

باکگراوند: ڤلادێمیر پووتین، سەرۆکی ڕووسیا لە 7-10-1952 لە سانپیتەرسبێرگی ڕووسیا لەدایکبووە، لە ساڵی  1999 بۆ 2008 سەرۆکی ڕووسیا بووە و جارێکی دیکە لە ساڵی 2012  وەک سەرۆک هەڵبژێردراوە تاوەکو ئێستا، کۆی گشتی ساڵی حکومڕانییەکەی پووتین دەکاتە نزیکەی 25 ساڵ  کە کورسی سەرۆکایەتیی ڕووسیای بە دەستەوەیە.

 

ئەمەش بزانە: پێشتریش سەرچاوەکان ئاماژەیان بەوەکردووە، پووتین زۆرینەی کاتەکانی لە ئۆفیسی خۆی بەسەر دەبات و کەمترین مۆڵەت وەردەگرێت.