ترەمپ سەردانی ئیسرائیل دەکات

ئاڤا نیوز

دواجار دانوستانەکانی نێوان ئیسرائیل و حەماس دەرئەنجامی ئەرێنییان بەدەستهێنا، سەرۆکی ئەمریکا ئاشكرای كرد كە ئیسرائیل و حەماس گەیشتوون بە ڕێككەوتن و لەژێر ڕۆشنایی ئەم پێشهاتەدا سەردانی ئیسرائیل دەکەم.

وێنە گەورەکە: دوای هەوڵەکانی دۆناڵد ترەمپ، سەرۆکی ئەمریکا بۆ ڕاگەیاندنی ئاشتی لە غەززە و کۆتاییهێنان بە جەنگی دووساڵەی نێوان ئیسرائیل و حەماس، ئاشتی ڕاگەیێنراو هەردوولا ڕازی بوون بە خاڵەکانی نێو پلانەکە.

زانیاریی بەدەستهاتوو: ماڵپەری ئاکسیۆس بڵاویکردووە دۆناڵد ترەمپ، سەرۆکی ئەمریکا، بڕیارە لە ڕۆژانی داهاتوودا سەردانی ئیسرائیل بکات، بەمەبەستی پێشکەشکردنی وتارێک لە کنێست (پەرلەمان)، ترەمپیش وتویەتی بە دڵنیاییەوە ئەگەر بیانەوێت وتارەکە پێشکەش دەکەم.

زانیاریی زیاتر: ترەمپ وتیشی ڕەنگە سەردانی میسریش بکات، چونکە پێشتر عەبدولفەتاح سیسی، سەرۆکی میسر ترەمپی بۆ وڵاتەکەی بانگهێشت کرد کە بۆ ساتی واژۆکردنی رێککەوتننامەی غەززە بۆ ئەوەی لەوێ ئامادە بێت.