لە کەرکووک سێ چەکداری داعش کوژران

ئاڤا نیوز

لەهێرشێکی ئاسمانیدا بۆ سەر پەناگەیەکی چەکدارانی داعش لە باشووری کەرکووک سێ چەکداری ئەو ڕێکخراوە کوژران و پەناگەکەشیان خاپوور کرا.

وێنە گەورەکە: هەرچەندە زیاتر لە حەوت ساڵ بەسەر کۆتاییهاتنی دەسەڵاتی ڕێکخراوی داعش بەسەر چەند ناوچەیەکی عێراق تێدەپەڕێت، بەڵام تاوەکو ئێستا شانە نوستووەکانی ڕێکخراوەکە لەهەندێک ناوچە هێزە ئەمنییەکان و هاووڵاتییانی مەدەنی بەئامانج دەگرن.

ڕاگەیێنراوی فەرمی:  شانەی جەنگی عێراق ڕایگەیاند، هێزیی ئاسمانیی عێراق و لە ڕێگەی فڕۆکەی جەنگی F-16ـەوە هێرشی کردە سەر پەناگەیەکی ڕێکخراوی داعش لە دۆڵی چای باشووری پارێزگای کەرکووک، لەئاکامدا سێ چەکداری ئەو ڕیکخراوە کوژران و پەناگەکەش بەتەواوی خاپوور کرا.

زانیاریی زیاتر:  شانەی جەنگی عێراق ئاماژەی بەوەشدا، ئۆپەراسیۆنەکە دوای بەدواداچوونێکی وردی هەواڵگری بۆ جووڵەی گروپێکی تیرۆریستی ئەنجامدرا، کە لە پەناگەیەکەوە پیلانی هێرشکردنە سەر هێزە ئەمنییەکان و هاووڵاتیانی مەدەنی لە ناوچەکانی نزیک دۆڵەکە داڕێژن.