ئەمریکا ژمارەی هێزەکانی لە ڕۆژهەڵاتی ناوەڕاست بۆ ئاڤا ئاشکرا دەکات

ئاڤا نیوز

ئەمریکا بەردەوامە لە گواستنەوەی پێداویستی سەربازی لە ڕێگەی فڕۆکەکانییەوە بۆ ڕۆژهەڵاتی ناوەڕاست، پێنتاگۆنیش ژمارەی هێزەکانیان لە ڕۆژهەڵاتی ناوەڕاست بۆ ئاڤا ئاشکرا دەکات.

زانیاریی بەدەستهاتوو: بەپێی زانیارییەکان ئەمریکا هیلیکۆپتەر، مودەرەعی سەربازی و سیستمی بەرگری و تەنانەت مووشەکیشی بۆ قەتەر و سعوودیە گواستووەتەوە.

لێدوانی فەرمی: پاتریشیا کروزبێرگەر، وتەبێژی وەزارەتی جەنگی ئەمریکا بە ئاڤا میدیای ڕاگەیاند، ئەمریکا نزیکەی 40 هەزار سەربازی لە ڕۆژهەڵاتی ناوەڕاست جێگیرکردووە.

لەلایەکی دیکەوە: بەرپرسێکی وەزارەتی جەنگی ئەمریکا بە ئاڤای ڕاگەیاند، بەپێی سیاسەتی وەزارەتەکەمان، ناتوانین قسە لەسەر جووڵەی هێزەکانمان بکەین ئەمەش بۆ پاراستنی ئاسایشی ئۆپراسیۆنەکانمانە.

زانیاریی زیاتر: کەشتی یو ئێس ئێس جیراڵد فۆرد هێنراوەتە دەریای ناوەڕاست، کە بە وزەی ئەتۆم کاردەکات و کەشتییەکی فڕۆکەهەڵگرە و کێشی 100 هەزار تۆنە، پێشکەوتووترین تەکنەلۆژیای جەنگیی نوێی تێدا بەکارهاتووە.

ئەمەش بزانە: بۆ پارێزگاری لەم هەنگاوەی ئەمریکا بەردەوام فڕۆکەی بێفڕۆکەوانی هەواڵگریی ئەمریکا و بەریتانیا بەسەر هەردوو بنکەکەی ئەمریکا لە قەتەر و سعوودیە دەسوڕێنەوە.