ترەمپ وردەکاریی نوێ لەبارەی گەشتەکەی بۆ ڕۆژهەڵاتی ناوەڕاست ئاشكرا دەکات؛ سەردانی دوو وڵات دەکات

ئاڤا نیوز

 

سەرۆکی ئەمریکا ڕێککەوتنی غەزززە بەدەستکەوتێکی گرنگ ناو دەبات دەڵێت، "بەمەبەستی واژۆکردنی ڕێککەوتنامەی غەززە لەم هەفتەیەدا سەردانی میسر و ئیسرائیل دەکات.

 

وێنە گەورەکە: هەوڵەکانی دۆناڵد ترەمپ، سەرۆکی ئەمریکا دواجار توانی ئاشتی بۆ غەززە بگەڕێنێتەوە و هەردوو لایەنی حەماس و ئیسرائیل بە ڕێککەوتن ڕازی بکات.

 

لێدوانی فەرمی: دۆناڵد ترەمپ، سەرۆکی ئەمریکا لە ئۆڤەڵ ئۆفیس (نووسینگەی سەرۆک) بە ڕۆژنامەنووسانی ڕایگەیاند، ئاگربەستی غەززە مامەڵەیەکی گەورەیە بۆ ئیسرائیل و عەرەب و موسڵمانان و بۆ هەموو جیهان، ئەم ڕێککەوتنە دەبێتە ئارامی بۆ هەموو ڕۆژهەڵاتی ناوەڕاست نەک تەنها غەززە.

 

لە بەشێکی دیکەی قسەکانیدا سەرۆکی ئەمریکا دڵناییدایە ئیسرائیل بەوەی دووشەممە بارمتەکان ئازاد دەکرێن.

 

-لە درێژەی قسەکانیدا وتی، "دەچمە ئیسرائیل، لە کنێست ( پەرلەمانی ئیسرائیل) وتار پێشکەش دەکەم و دەچمە میسریش، وتیشی ژمارەیەک سەرکردە و فەرماندە ئامادەی واژۆکردنی ڕێککەوتنی غەززە دەبن، کار دەکەین بۆ ئەوەی ئاگربەست لە غەززە بەردەوام بێت.

 

ئەوەی پێویستە بیزانیت: چاوەڕوان دەکرێت ڕۆژی دووشەممە ترەمپ لە ئیسرائیل بێت  و لە بەردەم پەرلەمانی وڵاتەکە وتارێک پێشکەش بکات و چاوی بە خێزانی بارمتەکان بکەوێت. دوای نیوەڕۆی هەمان ڕۆژ دەچێتە میسر و بەشداری لە ڕێوڕەسمی واژۆکردنی ڕێککەوتنی ئاشتی غەززە دەکات.