پشکنینێکی پزیشکی نهێنییەک لەسەر 'دڵ'ـی دۆناڵد ترەمپ ئاشکرا دەکات

ئاڤا نیوز

دۆناڵد ترەمپ، سەرۆکی ئەمریکا پشکنینی تاقیگەیی و هەڵسەنگاندنی تەندروستی ئەنجام دا، ئەنجامی پشکنینەکان دەریدەخەن کە ناوبراو دۆخی تەندروستیی بەگشتی باشە.

 

زانیاریی بەدەستهاتوو: شۆن باربابێلا، دکتۆری ترەمپ لە یاداشتێکدا بە کە کارۆلین لیڤیت، سکرتێری ڕۆژنامەوانی کۆشکی سپی داوە، تیادا  بڵاوکراوەتەوە، "تەندروستیی ترەمپ ناوازەیە، دڵ و خوێنبەرەکان، سییەکان، دەمارەکانی بە بەهێزی خۆیان نیشان دەدەن.''

 

ئەوەی پێویستە بیزانیت: لە بەشێکی دیکەی ڕاپۆرتەکەدا هاتووە، "تەمەنی دڵی ترەمپ 14 ساڵ لە تەمەنی ڕاستەقینەکەی گەنجترە".

 

بە تەنیشت ئەم بابەتەوە؛ بڕیارە لەم هەفتەیەدا ترەمپ سەردانی ڕۆژهەڵاتی ناوەڕاست بکات، بۆ ئەم مەبەستەش بۆ پارێزگاری کردن لە تەندروستی خۆی، دەرزی ساڵانەی ئەنفلۆنزا و ڤاکسینی کۆڤید 19 بەکارهێناوە وەک ڕێکارێکی خۆپارێزی.

 

ئەمەش بزانە: ترەمپی تەمەن 79 ساڵ بەتەمەنترین کەسە  کە توانیبێتی پۆستی سەرۆکایەتیی ئەمریکا بەدەستبهێنێت.