مەزڵووم عەبدی: لە سێ ڕۆژی داهاتوودا شاندێکمان دەچێتە دیمەشق

ئاڤا نیوز

مەزڵووم عەبدی، فەرماندەی گشتیی هێزەکانیی سووریای دیموکرات ڕایگەیاند: لە دوو بۆ سێ ڕۆژی داهاتوودا شاندێکمان دەچێتە دیمەشق و لەگەڵ وەزارەتی بەرگریی سووریا هەنگاوەکانی تێکەڵبوونی هەسەدە بە سوپای وڵاتەکە تاوتوێ دەکات.

لێدوانی فەرمی: مەزڵووم عەبدی، فەرماندەی گشتیی هێزەکانی سووریای دیموکرات لە بەرنامەیەکی تەلەڤزیۆنیدا ڕایگەیاند: تۆم باراک بەڵێنی دابوو کە سەردانی ئێرە بکات و گوێ لە داواکارییەکانمان بگرێت، بۆیە لە حەسەکە یەکترمان بینی و جەختمان لە هاوکاریی دژی داعش، دۆخی ئێستا سووریا و تێکەڵبوونی دیمەشق بە هاوپەیمانیی دژی تیرۆر و هەڵگرتنی سزاکانی سەر سووریا و چەند بابەتێکی جێی بایەخ کرد.

زانیاریی زیاتر: لەبارەی دوایین سەردانی خۆی بۆ دیمەشق و کۆبوونەوەی لەگەڵ ئەحمەد شەرع، مەزڵووم عەبدی وتی: بۆ زیاتر چەسپاندنی ڕێککەوتنی ئادار لە دەستووردا تێگەیشتنێکی هاوبەشمان هەیە و لەگەڵ ئەحمەد شەرع، زیاتر چەسپاندنی ڕێککەوتنەکەمان تاوتوێ کرد، لە داهاتوودا چاوپێکەوتنی دیکەمان بۆ گۆڕێنی دەستووری وڵاتەکە دەبێت و نزیکبوونەوەی ئەرێنی هەیە. 

مەزڵووم عەبدی، ئەمانەشی وت: 

- لەگەڵ ئەحمەد شەرع لەسەر شێوازی تێکەڵبوونی هەسەدە بە سوپای سووریا گفتوگۆیەکی زارەکیمان کردووە، سووریا دەیەوێت سوود لە ئەزموونی هەسەدە وەربگرێت، لە دووسێ ڕۆژی داهاتووشدا شاندێکی سەربازیمان دەچێتە دیمەشق و هەنگاوەکانی تێکەڵبوونی هەسەدە بە وەزارەتی بەرگریی سووریا گفتوگۆیان لەبارە دەکرێت.

- دەسەڵاتدارانی سووریا، تێکەڵبوونی هەسەدە و سوپای سووریا وەک یەکێتیی خاکی سووریا دەبینن و ئێمە دژی ئەوە نین، بەڵام پێویستە ئەمە لەسەر بنەمای سوریایەکی نامەکرزی بێت، بۆیە باوەڕم وایە بە گۆڕینی دەستوور، هەندێک شتی دیکەش دەگۆدرێن. 

-ئێمە نامانەوێت بابەتی پەیوەست بە پڕۆسەی سەربازییەوە بخەینە سەر ڕاگەیاندنەکان. 

- لە ڕێککەوتنی 10 ئازار زۆرترین قسەمان لەسەر هەسەدە و شێوازی تیکەڵبوونی بە سوپای سووریا کرەوە، نامەویت ناوەڕۆکەکەی ئاسکرا بکەین. 

-تێکەڵبوونی هەسەدە بە سوپای سووریا پێویستە ببێتە بابەتێکی فەرمی، بۆیە پێویستی بە ڕێککەوتنی دیکە و مافی پاراستنی شەڕڤانانمان هەیە.

-ئاسایشی ڕۆژئاوای کوردستان هاوشێوەی هەسەدە دەچێتە نیو سیستمی نوێی سووریاوە.

- دەبێت لە ماوەیەکی نزیکدا دیمەشق تێکەڵی شەڕی دژی داعش بێت. 

- یەکێک لە مەرجەکانی هەڵگرتنی سزای سەر سووریا، تێکەڵبوونییەتی بە شەڕی دژی داعش.

-مژاری ئەساسی دەستوور، شێوازی سەربازی و حکومڕانی نوێی سووریا گفتوگۆ کراون و بڕیارە لە دااتوودا گەنگەشەی زیاتری لەسەر بکەین. 

-بە دەسەڵاتدارانی سووریامان وتوە ئێمە سیستمی مەرکەزیمان ناوێت. 


-باسی داهاتووی ڕێکەوتنی 10ئازار و چۆنیەتی پێشخستنیمان کردووە. 

-ئاگربەستی گشتی هەنگاوێکی ئەرێنی بوو لەو ناوچانەی شەڕیان تێدا هەڵگیرساوە.

باکگراوند: لە 06-10-2025، تۆما باراک، نێردەی سەرۆکی ئەمریکا بۆ کاروباری سووریا و ئەدمیڕاڵ براد کوپەر، فەرماندەی فەرماندەیی ناوەندی ئەمریکا (سێنتکۆم)، سەردانی باکوور و ڕۆژهەڵاتی سووریای کرد و گفتوگۆی لەگەڵ مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) کۆبوونەوە، ڕۆژی دواتر مەزڵووم عەبدی گەیشتە دیمەشق و لەگەڵ ئەحمەد شەرع و دەسەڵاتدارانی سووریا تاوتوێی داهاتووی وڵاتەکەیان کرد.