ئەحمەد شەرع دەچێتە مۆسکۆ و داوای ڕادەستکردنەوەی ئەسەد دەکات

ئاڤا نیوز

 

ئەحمەد شەرع، سەرۆککۆماری سووریا دەچێتە ڕووسیا، بەگوێرەی میدیای سووریا لە سەردانەکیدا شەرع داوا لە مۆسکۆ دەکات بەشار ئەسەد ڕادەستی دیمەشق بکەنەوە.

 

چیرۆکی سەرەکی؛ میدیاکانی سووریا بڵاویان کردووەتەوە، ڕۆژی چوارشەممە بۆ بەشداریکردن لە لووتکەی دواخراوی عەرەبی ئەحمەد شەرع، سەرۆکی سووریا دەچێتە مۆسکۆی پایتەختی ڕووسیا. بەگوێرەی میدیای سووریا شەرع دەچێتە ئەو شارەی بەشار ئەسەد، سەرۆکی پێشووی سووریای تێدا نیشتەجێیە.

 

زانیاریی زیاتر: ئامانجی سەردانەکە تاوتوێکردنی پەیوەندییە دووقۆڵییەکانی نێوان ڕووسیا و سووریایە. لە دوای دەستبەکاربوونی ئەمە یەکەم سەردانی ئەحمەد شەرعە بۆ ڕووسیا. هاوکات میدیای سووریا دەشڵێت، جیا لە بەشداریکردن لە لووتکەی دواخراوی عەرەبی و تاوتوێکردنی پەیوەندییەکانی مۆسکۆ و دیمەشق، شەرع داوا لە ڕووسیا دەکات بەشار ئەسەد ڕادەست بکەنەوە.

 

ئەوەش بزانە: دوای ڕووخانی ڕژێمەکەی بەشار ئەسەد سەرۆکی پێشووی سووریا چووەتە مۆسکۆی پایتەختی ڕووسیا و چەندین یەکەی نیشتەجێبوونی لەو وڵاتە کڕییوە و لە ژێر چاودێرییەکی توندی ئەمنیدایە.