دەرکەوتووە هەشت کەسایەتیی بەناوبانگی تورکیا ماددەی هۆشبەریان بەکارهێناوە

ئاڤا نیوز

لە ئەنجامی ئەو نموونانەی لە خوێن و قژیان وەرگیراون، دەرکەوتووە پێنج ئەکتەری بەناوبانگ و سێ چالاکوانی تۆڕە کۆمەڵایەتییەکان لە تورکیا ماددەی هۆشبەریان بەکارهێناوە.

چیرۆکی سەرەکی: ئەنجامی پشکنین بۆ خوێن و قژی ئەو 19 ئەکتەر، گۆرانیبێژ و چالاکوانی تۆڕە کۆمەڵایەتییە دەرچوو کە بە تۆمەتی بەکارهێنانی ماددەی هۆشبەر لە 8.10.2025 لەسەر ڕاسپاردەی هۆبەی نەهێشتنی ماددەی هۆشبەرەکان لە سەرۆکایەتیی داواکاریی گشتیی ئیستانبووڵ دەستگیرکران و دوای نموونە لێوەگرتنیان ئازاد کران.

بڵاوکراوەی فەرمی: میدیاکانی تورکیا لە زاری سەرچاوە ئەمنییەکانەوە بڵاویانکردووەتەوە بەراک توزونئاتاچ، بیردە ئاکاڵای، کوبیلای ئاکا، مەتین ئاکدولگەر، کائان یڵدرم کە بەشدارییان لە چەندین فیلم و زنجیرە درامادا کردووە لەگەڵ دەرین تالوو و دەرەن تالووی خوشکی و دیلان پۆڵات کە چالاکوانی تۆڕە کۆمەڵایەتییەکانن، ماددەی هۆشبەریان بەکارهێناوە.

زانیاریی زیاتر: ماددەی کۆکاین لە قژی دیلان بەراک توزونئاتاچ، بیرجە ئاکاڵای، دیلان پۆڵات و دوو خوشکەکە بەدی کراوە و لە خوێنی کوبیلای ئاکا، مەتین ئاکدولگەر، کائان یڵدرم ماددەی هۆشبەری THC-COOH بەدی کراوە کە هۆکارەی بۆ بەکارهێنانی مەریوانە دەگەڕێتەوە. 

بە تەنیشت ئەم بابەتەوە: هەروەها لە خوێنی ئەستێرەی تۆڕی کۆمەڵایەتی ئەنگین پۆڵات، پارێزەر فەیزا ئاڵتون و هونەرمەندانی گۆرانیبێژ ئیرەم دەریجی و زینەت سالی سافتەر ماددەی کاریگەر بەدی کراوە، بەڵام ئەوان بە ڕەچەتەی سەوز ئەو دەرمانانەیان وەرگرتووە.

لەلایەکی دیکەوە: لە بەرامبەردا دەرکەوتووە گۆرانیبێژ حادیسە ئاچکگۆز، یوتیوبەر دویگو ئۆزئارسڵان موستەفا، ئەکتەران دەمەت ئەڤگار باباتاش، مەرد یازیجیئۆغڵو، زەینەب مەریچ ئاڕاڵ، جەرەن مۆرای ئۆرجان، ئۆزگە ئۆزپیرینچجی یامانتورک ماددەی هۆشبەریان بەکار نەهێناوە.