پاکستان و ئەفغانستان لە قەتەر کۆدەبنەوە

ئاڤا نیوز

پاکستان و ئەفغانستان بە نێوەندگیریی قەتەر سەبارەت بە ئاگربەست و کۆتاییهێنان بە گرژییەکانی نێوانیان کۆدەبنەوە.

لێدوانی فەرمی: زەبیحوڵا موجاهید، وتەبێژی حکومەتی ئەفغانستان، ڕایگەیاند: "شاندێکی ئاست باڵای ئیمارەتی ئیسلامی، کە لەلایەن محەممەد یەعقوب، وەزیری بەرگرییەوە سەرۆکایەتیی دەکرێت، بەرەو دەوحە بەڕێ کەوتوون."

زانیاریی زیاتر: کۆبوونەوەکانی قەتەر دوای ئەوە دێن کە ئاگربەستی 48 کاتژمێریی نێوان ئەفغانستان و پاکستان کۆتایی هات.

ئەمەش بزانە: لە چەند هەفتەی ڕابردوودا، بە هۆی گرژی و پێکدادانەکانی نێوانیانەوە دەیان سەرباز و کەسی مەدەنیی لە هەردوولا کوژراون.