ئیسرائیل: لە غەززە هێرش کراوەتە سەر هێزەکانمان

ئاڤا نیوز

بەگوێرەی میدیای ئیسرائیل، لە نزیک دەروازەی ڕەفەح لە باشووری کەرتی غەززە هێرش کراوەتە سەر هێزەکانی ئیسرائیل.

 

وێنە گەورەکە: ئەم ڕووداوە لە کاتێکدایە کە ئاگربەست لە نێوان حەماس و ئیسرائیل لەسەر بنەمای پلانی دۆناڵد ترەمپ بۆ ئاشتی هاتووەتە ئاراوە و بە گوێرەی ئاگربەستەکە دەبێت شەڕ بوەستێت.

 

لە بەرامبەردا: سوپای ئیسرائیل هێرشی ئاسمانی ئەنجام داوە بۆ ئەو شوێنانەی کە لێیانەوە هێرش کراوەتە سەر هێزەکانیان.

 

کاردانەوەکان: ئیتمار بن گڤیر، وەزیری ئاسایشی ناوخۆی ئیسرائیل، داوای لە بنیامین نەتانیاهۆی، سەرۆکوەزیرانی ئیسرائیل کردووە فەرمان بە سوپا بکات تا ئۆپەراسیۆنە سەربازییەکانی سەر کەرتی غەززە دەستپێبکەنەوە.