لاریجانی: ئێران جێبەجێکردنی ڕێککەوتنی لەگەڵ ئاژانسی وزەی ئەتۆمی ڕادەگرێت

ئاڤا نیوز

ئێران کارکردن لەگەڵ ئاژانسی نێودەوڵەتیی وزەی ئەتۆم ڕادەگرێت کە بە هۆیەوە پشکنەرانی ئاژانسەکە دەیانتوانی چاودێریی چالاکییە ئەتۆمییەکانی ئێران بکەن.

لێدوانی فەرمی: عەلی لاریجانی، ئەمینداری ئەنجوومەنی باڵای ئاسایشی نیشتیمانی ئێران، ڕایگەیاند تاران ئەو ڕێککەوتنە هەڵدەوەشێنێتەوە کە ئەمساڵ لە ئاژانسی وزەی واژۆ کردبوو. ڕێککەوتنەکە چیدی هیچ بەهایەکی نییە.

زانیاریی زیاتر: ئێران هەموو دەرگاکانی بە ڕووی ئاژانسەکەدا دانەخستووە بەڵکو پێی ڕاگەیاندووە ئەگەر پێشنیازێکی نوێی هەیە دەتوانێت پێشکەشی بکات تا تاران بەدواداچوونی بۆ بکات و دواتر بڕیاری لەسەر بدات.

هۆکارە زانراوەکان: ئەم بڕیارەی ئێران کاردانەوەیە بەرامبەر بە بڕیاری ئەنجوومەنی ئاسایشی نەتەوە یەکگرتووەکان بۆ گەڕاندنەوەی سزا نێودەوڵەتییەکانی تایبەت بە بەرنامە ئەتۆمییەکەیە ئێران.