ڕێکخراوی تەندروستیی جیهانی: بونیاتنانەوەی سیستەمی تەندروستیی غەززە پێویستیی بە 7 ملیار دۆلارە

ئاڤا نیوز

سەرۆکی ڕێکخراوی تەندروستیی جیهانی ڕایدەگەیێنێت، تێچووی بونیاتنانەوەی سیستمی تەندروستیی کەرتی غەززە لانیکەم حەوت ملیار دۆلار دەبێت.

وێنە گەورەکە: بەهۆی بۆردوومانە بەردەوامەکانی ڕابردووی ئیسرائیل بۆ سەر کەرتی غەززە، جگە لە خاپوورکردنی باڵەخانە و قوتابخانەکان، نەخۆشخانەکانیش بێ بەش نەبوون لە خاپوور کردن، ئەمە جگە لە کوژرانی دەیان پزیشکی پسپۆڕ.

لێدوانی فەرمی: تێدرۆس ئادهانۆم گێبرێیێسوس، سەرۆکی ڕێکخراوی تەندروستیی جیهانی ڕایگەیاند، هیچ نەخۆشخانەیەکی کەرتی غەززە بە تەواویی کار ناکات. هەروەها بە شێوەیەکی بەرچاو کێشەی کەمیی دەرمانە بنەڕەتییەکان و پێداویستی و کارمەندی پزیشکی هەیە.

زانیاریی زیاتر: لە کۆی 36 نەخۆشخانەی کەرتی غەززە تەنیا 14 نەخۆشخانەیان بە شێوەیەکی ڕێژەیی کار دەکەن، ئەوانی دیکە بە تەواوەتی لەکار کەوتوون و بەشێکیان بەهۆی بۆردوومانەوە خاپوور کراون.