ترەمپ لەسەر هێرشەکەی ئیسرائیل بۆ سەر غەززە هاتە دەنگ

ئاڤا نیوز

دوای هێرشەکانی ئیسرائیل بۆ سەر کەرتی غەززە سەرۆکی ئەمریکا لەبارەی ئاگربەستی غەززە دەڵێت، "هیچ مەترسیییەک بۆ ئاگربەست نییە".

 

چیرۆکی سەرەکی: ئێوارەی ڕۆژی سێشەممە و دوای دوو هەفتە لە وەستانی شەڕ، بە فەرمانی ڕاستەوخۆی بنیامین نەتەنیاهۆ، سەرۆکوەزیرانی ئیسرائیل، هێرشی ئیسرائیل بۆ سەر کەرتی غەززە دەستیپێکردەوە، ئەمەش دوای کوژرانی ئەفسەر و سەربازێک و برینداربوونی سەربازێکی دیکەی لە ڕەفح لە باشووری کەرتی غەززە.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، "هیچ شتێک نابێتە مەترسی، سەربازێکی ئیسرائیلیان کوشت و بەمشێوەیە ئیسرائیلییەکان وەڵامیان دایەوە و ناچار بوون وەڵام بدەنەوە، کاتێک ئەوە ڕوویدا دەبێت وەڵام بدەنەوە.

 

زانیاریی زیاتر؛ هاوکات وتیشی "ئیسرائیل مافی تۆڵەسەندنەوەی هەیە ئەگەر حەماس پابەند نەبێت، ئەوا لەناو دەچێت.