لە دوورگەیەکی ئیتاڵیا بزن بێبەرامبەرە

ئاڤا نیوز

لە دوورگەیەکی ئیتاڵیا ژمارەی بزنەکان شەش هێندەی ژمارەی دانیشتووانەکەیەتی، هەربۆیە لە بزنەکان بێزاربوون و بە بێبەرامبەر دەیدەن بە هەر کەسێک کە بیەوێت.

بۆچی گرنگە: دوورگەی ئەلیکودی دوورگەیەکی بچووکە لە باکووری ئیتاڵیا و دانیشتووانەکەی تەنیا 100 کەسە و هیچیان بزنەکان بۆ مەبەستی ئاژەڵداری و سوودوەرگرتن لە گۆشتەکەی بەخێو ناکەن، هەر بۆیە ژمارەیان زیادیکردووە و بوونەتە کێشە بۆ دوورگەکە، بەجۆرێک پارک و باخچە گشتییەکان تێکدەدەن، دەچنە نێو ماڵەکانەوە و بەسەر دیوارەکاندا سەردەکەون.

لێدوانی فەرمی: ریکاردۆ گولۆ، سەرۆک شارەوانی دوورگەی ئەلیکودی، دەڵێت: هەر کەسێک حەزبکات زیاتر لە 50 بزن ببات دەتوانێت داواکارییەکی فەرمی پێشکەش بکات، خۆشی دەبێت بزنەکان بگرێت و ئێمە پەیوەندیمان پێوەی نییە، بەڵام دەبێت 15 یۆرۆ (17دۆلار) وەک باج بدات.

 

ئەوەی پێویستە بیزانیت: بەرپرسانی دوورگەکە دەیانەوێت تەنیا چەند بزنێک بهێڵنەوە، ئەویش بۆ سەرنجڕاکێشانی گەشتیاران.

باکگراوند: بەپێی زانیارییەکانی حکومەتی ئیتاڵیا، 20 ساڵ لەمەوبەر چەند بزنێک لەلایەن جووتیارێکەوە براون بۆ دوورگەکە، بەڵام لەبەرئەوەی بەرەڵڵا کراون و گوێیان پێنەدراوە ژمارەیان بەشێوەیەکی بەرچاو زیادبووە.