ڕێکخراوی بەدر داوا دەکات ویلایەتی دووەم بە سوودانی نەدرێت

ئاڤا نیوز

ڕێکخراوی بەدر پێداگری لە بەدەستهێنانی وەزارەتی ناوخۆ لە حکومەتی داهاتوو دەکات و هاوکات ڕێگری لە دووبارە کاندیدکردنەوەی سوودانی پۆستی سەرۆکوەزیران دەکات.

وێنە گەورەکە: ڕێکخراوی بەدر کە هادی عامری سەرۆکایەتی دەکات 20 لیوای لە حەشدی شەعبیدا هەیە و خاوەن هەزاران چەکدارە، لە هەڵبژاردنی ئەمجارەی پەرلەمانی عێراق 19 کورسی پەرلەمانی بەدەستهێنا.

لێدوانی فەرمی: ئەبو توراب تەمیمی، سەرکردە لە ڕێکخراوی بەدر ڕایگەیاند: فراکسیۆنەکەیان لە حکومەتی داهاتوودا داوای تەواوی ماف و پشکەکانی خۆی دەکات و وەزارەتی ناوخۆش بەمافی خۆیان دەزانێت.

زانیاریی زیاتر: تەمیمی پەیامێکی ئاراستەی سەرکردەکانی چوارچێوەی هەماهەنگی کرد و وتی، "هیواخوازین ویلایەتی دووەم بە محەممەد شیاع سوودانی، سەرۆکوەزیرانی ئێستای عێراق نەدرێتەوە".

ئەمەش بزانە: تەمیمی ئاماژەی بەوەکرد، هەرکەسێک دەیەوێت دەوڵەت بونیاد بنێت، دەبێت هادی عامری بکاتە سەرۆکوەزیران.