سوودانی بڕیارێکی پێشووی تایبەت بە هێزە ئەمنییەکان هەڵدەوەشێنێتەوە

ئاڤا نیوز

فەرماندەی گشتی هێزە چەکدارەکانی عێراق، فەرمانی ڕاگرتنی گواستنەوە تەنسیب و ڕاسپاردن لە سەرجەم پێکهاتە ئەمنییەکاندا هەڵوەشاندەوە.

چیرۆکی سەرەکی: پێشتر 28-5-2025 بە ڕێککەوتن لەگەڵ سەرۆکایەتیی کۆمار و پەرلەمان، سەرۆکوەزیرانی عێراق بڕیاری ڕاگرتنی هەموو جۆرە گواستنەوە و تەنسیب و پێدانی پۆستێک لە نێو وەزارەت و دەزگا ئەمنییەکان بۆ ئەفسەران و کارمەندان لە هەموو ئاستێکدا دەرکرد.

زانیاری بەدەستهاتوو: سەرچاوەیەکی ئەمنی بە میدیا عێراقییەکانی ڕاگەیاندووە: بڕیارەکە سەرجەم دەزگا و بەش و پێکهاتە سەربازی و ئەمنییەکان دەگرێتەوە و بەپێی ڕێنماییەکە، دەبێت ڕێکارە ئیدارییە ئاساییەکان دەستپێبکەنەوە، دوای ئەوەی لە ماوەی ڕابردوودا ڕاگیرابوون

ئەمەش بزانە: تا ئێستا لایەنە فەرمییەکان،  ناوەڕۆکی بڕیارەکەی سوودانی و وردەکارییەکانیان بڵاونەکردووەتەوە، بەڵام پێشبینی دەکرێت لە كاتژمێرەکانی داهاتوودا ڕوونکردنەوەی زیاتر لەوبارەیەوە بدرێت.