بافڵ تاڵەبانی خۆی فێری زمانی عەرەبی دەکات؛ لەگەڵ شیعەکان بۆ پۆستی سەرۆککۆمار گفتوگۆی کردووە

ئاڤا نیوز

بافڵ تاڵەبانی، سەرۆکی یەکێتی نیشتمانیی کوردستان هەوڵەکانی خستووەتەگەڕ بۆ ئەوەی ببێتە سەرۆککۆماری عێراق، لەگەڵ لایەنە شیعەکان دەستی بە گفتوگۆ کردووە.

چیرۆکی سەرەکی: هەفتەی ڕابردوو شاندێکی یەکێتی چوونەتە بەغدا، بە لایەنە شیعەکانیان گوتووە، یەکێک لە بژاردەکانی ئێمە بۆ پۆستی سەرۆککۆمار کاندیدکردنی بافڵ تاڵەبانییە، دەمانەوێت بزانین ڕا و بۆچوونی ئێوە چییە لەوبارەیەوە.

زانیاریی بەدەستهاتوو: بەپێی زانیارییەکانی ئاڤا، بەشێک لە لایەنە شیعەکان لە ئێستاوە پشتیوانییان بۆ دەربڕیوە، هەندێکیش وتوویانە دیراسەی دەکەن.

ئاڤا زانیویەتی بافڵ تاڵەبانی خۆی حەز دەکات پۆستەکە وەربگرێت، تەنانەت چەند ڕۆژێکە مامۆستایەکی عەرەبی گرتووە بۆ ئەوەی وانەی پێبڵێت و فێری زمانی عەرەبی بکات.