دایكی منداڵانی بێسەرپەرشتی مەهاباد كۆچی دوایی كرد

ئاڤا نیوز

سەیدە هاجەر ئەیوبییان كە بە دایكی منداڵانی بێ سەرپەرشتی مەهاباد ناسرابوو، ئەمڕۆ كۆچی دوایی كرد.

چیرۆکی سەرەکی: سەیدە هاجەر ئەیوبیان، یەكێك بوو لە كەسایەتییە دیار و خێرخوازە گەورەكانی شاری مەهاباد، کە چەندین ناوەندی خێرخوازی دروست كردووە و زیاتر لە 30 ساڵ  خزمەتی منداڵانی بێ سەرپەرشت و چینی هەژاری موكریان کردووە, هەر لەبەر ئەوە پێیان دەوت  دایكی منداڵانی بێ سەرپەرشتی مەهاباد.

زانیاریی زیاتر: سەیدە هاجەر، كە لە باوكییەوە سەر بە ئەیووبییەكان و لە دایكیشیەوە سەر بە شێخولئیسلامییەكانی شاری مەهابادە، بەردەوام لەگەڵ منداڵانی بێ كەسوكار و بەساڵاچووانا دەبینرا, یەكێك بوو لە كاریگەرترین كەسایەتی و چالاكانی كۆمەڵایەتیی ناوچەی مەهاباد و موكریان بە گشتی.