ئاڤای خەڵک؛ خێزانێکی سلێمانی کێشەی دەرهێنانی کارتی نیشتمانییان هەیە

ئاڤا نیوز

 

خێزانێكی دانیشتووی شاری سلێمانی گرفتی دەرهێنانی كارتی نیشتمانییان هەیە. ڕەگەزنامەی هەرێمی کوردستانیش دەڵێت، ڕۆژی پێنجشەممە سەردانیان بکەن و ئەگەر ڕەگەزنامەیان هەبێت، نووسراویان بۆ دەکرێت بۆ بەغدا تاوەکو کێشەکەیان چارەسەر بکرێت.

چیرۆکی سەرەکی: خاتوو تابان، هاونیشتمانییەکی دانیشتووی سلێمانی کە هاوسەرگیری لەگەڵ پیاوێکی ڕۆژهەڵاتی کوردستان کردووە، کێشەی خێزانەکەی بۆ "ئاڤا نیوز" گێڕایەوە. بەگوێرەی قسەی ناوبراو، هاوسەرەکەی و کوڕە 14 ساڵانەکەی خاوەنی ڕەگەزنامەی عێراقین (جنسیە)، بەڵام کارتی نیشتمانییان بۆ دەرناکرێت و پێیان گوتراوە گرفتەکە لە بەغدایە.

 

چارەسەرەکان: ڕەگەزنامەی هەرێمی کوردستان، بەدەم داواکاریی خێزانەوە دانیشتووی شاری سلێمانییەوە دەچێت کە گرفتی دەرنەچوونی کارتی نیشتمانییان هەیە و داوا دەکات ڕۆژی پێنجشەممە سەردانیان بکەن و ئەگەر ڕەگەزنامەیان هەبێت، نووسراویان بۆ دەکرێت بۆ بەغدا تاوەکو کێشەکەیان چارەسەر بکرێت.

لێدوانی فەرمی: لیوا دیدار عومەر، بەڕێوەبەری گشتیی بەڕێوەبەری گشتیی ڕەگەزنامەی هەرێمی کوردستان بە ئاڤای ڕاگەیاند، دەبێت دۆسیەکەیان لە نزیکەوە ببینن بۆ ئەوەی کاری پێویستیان بۆ ئەنجام بدەن. جێی ئاماژەیە بەهۆی نەبوونی کارتی نیشتمانییەوە، لە ئێستادا سەرجەم مامەڵە یاسایی و کارگێڕییەکانی ئەو خێزانە ڕاگیراوە.