ئومێد خۆشناو: ئامادەی هەموو فریاگوزارییەکین بۆ چەمچەماڵ و گەرمیان

ئاڤا نیوز

 

پارێزگاری هەولێر بە ئاڤا میدیای ڕاگەیاند، پەیوەندییان بە ئیدارەی گەرمیانەوە کردووە و ئامادەباشی ئیدارە و دامەزراوەکانی هەولێرمان پێ ڕاگەیاندوون بۆ هەر کارێکی فریاگوزاریی و دڵگرانین زیانی گیانی و ماددی زۆر لە خەڵک کەوتووە.

 

چیرۆکی سەرەکی: ئومێد خۆشناو، پارێزگاری هەولێر، بە ئاڤا نیوزی ڕاگەیاند، لەگەڵ هەڤاڵ ئەبوبەکر، پارێزگاری سلێمانی و سەرپەرشتیاری ئیداری گەرمیان پەیوەنییان کردووە و هەر ئامێر و کەرەستەیەک و هەر تیمێکی فریاگوزارییان پێویست بێت لە خزمەتیان دەبین.

 

پلانی فریاگوزاریی: پارێزگاری هەولێر ئەوەی ئاشکراکرد، ئەمڕۆ سەرنجی ئەوەیانداوە پۆندەکانی دەوروبەری هەولێر، بە تایبەتی ئەو پۆندەی لە نزیک گەڕەکی کەسنەزان دروستکراوە، ئاوی باراناوی زۆری گڵداوەتەوە و رێکارەکانی دیکە کە چەند مانگێکە گرتوویانەتەبەر، تا ئاستێکی زۆر لە مەترسی لافاو هەولێریان پاراستووە.

 

باکگراوند: هاتنی شەپۆلی هەوری سوپەر سێڵ بە ئاڕاستەی هەرێمی کوردستان، دابارینی بارانی زۆری بەدوای خۆیدا هێنا و لە چەندین ناوچەی هەرێمی کوردستان لافاو دروست بوو، بەڵام لە ئیدارەی گەرمیان و چەمچەماڵ و ناحیەی شۆڕش زیانی گیانی و ماددی زۆری لێکەوتەوە.