زیاتر لە 150 وەستای بیناسازی بەشداری لە کامپەینی ئاڤا میدیا دەکەن

ئاڤا نیوز

زیاتر لە 150 وەستای بیناسازی پشتیوانیان بۆ کامپەینی هاوکاری ئاڤا میدیا بۆ لێقەوماوانی شاری چەمچەماڵ و دەورووبەری ڕاگەیاند. 

وێنە گەورەکە: ئاڤا میدیا کامپەینێکی گەورەی بۆ هاوکاری زیانلێکەوتووانی شاری چەمچەماڵ و تەکیە و شۆڕش ڕاگەیاندووە، داوا لە هاووڵاتییانی سەرمایەداران و خێرخوازان دەکات بە بەخشین هاوکاری هاووڵاتییانی لێقەوماو بکەن. 

لێدوانی فەرمی: ئەندازیارێکی پیشەسازی کە حەزناکات ناوەکەی ئاشکرا بکرێت، پەیوەندی بە ئاڤا میدیاوە کرد و ڕایگەیاند: ئێمە 150 وەستای بیناسازی گەنجین، هەر یەکەمان پیشەیەک دەزانین ئامادەین لە ڕێگەی کامپەینەکەی ئاڤاوە هاوکاری ماڵە زیانلێکەوتووەکانی چەمچەماڵ بکەین بە نۆژەنکردنەوەی خانووەکان وەکو دروستکردنی؛ دەرگا و پەنجەرە، دیکۆرات، دیوار، لەبغ و گەچکاری، کارەبا.

- هەموو کەرەستە بیناسازییەکانیش بە نیوەی نرخی بازاڕ بۆ هاووڵاتییانی ئەو ناوچەیە دابین دەکەین و وەستاکانمان بە خۆبەخشانە کاریان بۆ دەکەن. 

ئەوەی پێویستە بیزانیت: هاووڵاتییان و سەرمایەداران بۆ گەیاندنی هاوکارییەکانیان دەتوانن ڕاستەوخۆ سەردانی ئۆفیسی سەرەکی ئاڤا میدیا لەسەر ڕێگای سەرەکی هەولێر - پیرمام، تەنیش فیردەوس سیتی بکەن.