سەرۆك بارزانی پیرۆزبایی لە بەرهەم ساڵح دەكات

ئاڤا نیوز

سەرۆک بارزانی پەیوەندییەکی تەلەفۆنی لەگەڵ بەرهەم ساڵح، پیرۆزبایی خۆی پێ ڕاگەیاند بەبۆنەی وەرگرتنی پۆستی سەرۆكی كۆمیسیارانی باڵای كاروباری پەنابەرانی ڕێكخراوی نەتەوەیەكگرتووەكان.

چیرۆکی سەرەکی: بەرهەم ساڵح، سەرۆککۆماری پێشووی عێراق، لە کێبڕکێیەکدا لەگەڵ 12 کەسایەتیی نێودەوڵەتی، سەرکەوتنی بەدەست هێنا و بە فەرمی بۆ پۆستی "کۆمیسیاری باڵای نەتەوە یەکگرتووەکان بۆ کاروباری پەنابەران" دەستنیشان کرا.

ڕاگەیێنراوی فەرمی: بەگوێرەی ڕاگەیێنراوی فەرمی بارەگای بارزانی، لەو پەیوەندییەدا سەرۆك بارزانی خۆشحاڵیی خۆی نیشاندا بەوەی كوردێك ئەو پۆستە گرنگەی لە ئاستی نەتەوە یەكگرتووەكان وەرگرتووە و هیوای سەركەوتنی بۆ بەرهەم ساڵح خواست.

ئەوەی پێویستە بیزانیت: لەو کێبڕکێیەدا، د. بەرهەم کێبڕکێی لەگەڵ نزیکەی 12 کاندیدی جیهانی کردووە، زۆربەی کاندیدەکان لە وڵاتانی ئەوروپا و ئەمریکاوە بوون و هەوڵی بەدەستهێنانی پۆستەکەیان دەدا، بەڵام دواجار د. بەرهەم ساڵح متمانەکەی بەدەستهێنا.