ڕاگەیێنراوێک لە گرووپی میدیایی ئاڤاوە لەبارەی ئاهەنگەکانی سەری ساڵ

گرووپی میدیایی ئاڤا ڕایدەگەیەنێت کە سپۆنسەریی میدیایی هیچ ئاهەنگ و فێستیڤاڵێک ناکات کە بەبۆنەی سەری ساڵەوە ڕێکدەخرێن.

لە ماوەی چەند ڕۆژی داهاتوودا بەبۆنەی هاتنی ساڵی نوێ و جەژنەکانی کریسمسەوە، ژمارەیەکی زۆر ئاهەنگ و فێستیڤاڵ لە شارەکانی کوردستان بەڕێوەدەچن، هاوکات بەهۆی کاریگەریی ئاڤا میدیا، زۆر لایەن و شوێنی جیاواز داوایان لە ئاڤا میدیا کردووە سپۆنسەری میدیاییان بکەین، بەڵام بەهۆی کارەساتی لافاوەکەی چەمچەماڵ و شۆڕش و تەکیە، پاشان بەردەوامبوونمان لە بەدەمەوەچوونی لێقەوماوانی کارەساتەکە، بە داوای لێبووردنەوە بڕیارماندا کە سپۆنسەری میدیایی هیچ ئاهەنگ و فێستیڤاڵ و چالاکییەکی تایبەت بە ساڵی نوێ ناکەین.

گرووپی میدیایی ئاڤا