زیاتر لە 11 تۆن بەرهەمی جووتیاران لە فێستیڤاڵی دهۆک ساغ کراونەتەوە

ئاڤا نیوز

بۆ ماوەی دوو ڕۆژ فێستیڤاڵی پەتاتە لە شاری دهۆک بەڕێوەچوو، 15 جووتیاری نموونەیی بەرهەمەکانیان نمایش کرد و جگە لە پەتاتە بەرهەمی دیکەش لە فێستیڤاڵەکە هەبوون.

چیرۆکی سەرەکی: ڕۆژی 15-12-2025 بەبەشداری هەزاران کەس فێستیڤاڵی پەتاتە لەشاری دهۆک بەڕێوەچوو، بەو پێیەی دهۆک، لە بەرووبوومی پەتاتە یەکەم پارێزگایە لەسەر ئاستی عێراق، هەوڵەکانیش بۆ پاڵپشتی حکومەتی هەرێمی کوردستانیش بۆ جووتیاران لە چاندن و زیادکردنی بەرووبوومی پەتاتە و بە بازاڕکردنی بەردەوامە.

لێدوانی فەرمی: ئەحمەد جەمیل، بەڕێوەبەری گشتیی کشتوکاڵی دهۆک بە ئاڤای گوت، "لەماوەی دوو ڕۆژی فێستیڤاڵەکە 50 کابینە بۆ 15 جووتیاری نموونەیی و 12 کۆمپانیای تایبەتمەند بە خزمەت و تەکنەلۆژیای بەرهەمهێنانی پەتاتە تەرخانکرابوون، جووتیاران هەشت تۆن پەتاتەیان ساغکردەوە."

زانیاریی زیاتر: لە فێستیڤاڵەکە بەرهەمی دیکەش وەک هەنگوین، تەحین و بەرهەمی وشککراو نمایشکرابوون، سێ تۆن لەو بەرهەمانەش فرۆشراون، تێکڕا لەماوەی دوو ڕۆژ 11 تۆن بەرهەمی ناوخۆی جووتیاران ساغ کراونەتەوە.

باکگراوند: بەرووبوومی ئەمساڵی پەتاتە لە سنووری پارێزگای دهۆک، 588 هەزار تۆن بووە، لە ماوەی 11 مانگی یەکەمی ئەمساڵیش 197 هەزار و 817 هەزار تۆن لە دهۆکەوە ڕەوانەی باشوور و ناوەڕستی عێراق کراوە.