پارتی لیژنەیەک بۆ پێکهێنانی حکومەتی عێراق پێکدەهێنێت

ئاڤا نیوز

کۆبوونەوەی کۆمیتەی ناوەندی پارتی تەواو بوو، شاندێک بۆ گفتوگۆکردن لەگەڵ لایەنە عێراقییەکانی بۆ پێکهێنانی کابینەی نوێ پێکهێنرا و لەسەر پۆستی سەرۆککۆماریش پارتی بۆچوونی تایبەت بەخۆی هەیە.

چیرۆکی سەرەکی: پێشنیوەڕۆی ئەمڕۆ پێنجشەممە لە پیرمام، بەسەرپەرشتیی سەرۆک بارزانی و بە ئامادەبوونی نێچیرڤان بارزانی و  مەسرور بارزانی، جێگرانی سەرۆکی پارتی؛ کۆبوونەوەی کۆمیتەی ناوەندی پارتی دیموکراتی کوردستان بەڕێوەچوو، لە کۆبوونەوەکەدا گفتوگۆ لەبارەی پێکهێنانی هەردوو حکومەتی کوردستان و عێراق کرا و بڕیاری بەردەوامیی کۆبوونەوەکانی تایبەت بە پێکهێنانی کابینەی دەیەمی حکومەتی هەرێمی کوردستان درا.

زانیاریی تایبەت: بەگوێرەی بەدوادچوونی ئاڤا، لە کۆبوونەوەکە شاندێکی شەش کەسی بە سەرۆکایەتیی فازڵ میرانی، بەرپرسی دەستەی کارگێڕیی مەکتەبی سیاسیی پارتی، پێکهێنراوە بۆ گفتوگۆکردن لەگەڵ لایەنە عێراقییەکان بۆ پێکهێنانی کابینەی نوێی حکومەت.

- شاندی پارتی پێکهاتوونە لە فازڵ میرانی، د.فواد حسێن، نەوزاد هادی، د.ئومێد سەباح و فارس عیسا. هاوکات بۆچوونی پارتی لەسەر پۆستی سەرۆککۆماری عێراق ئەوەیە، کە ئەو پۆستە پشکی کوردە و پێویستی بە شێوازێكی نیشتمانی هەیە، بۆ ئەوەی هەموو لایەنەکان لەسەر کاندیدێک ڕێکبکەوەن و موڵکی هیچ لایەنێکی دیاریکراو نییە.

زانیاریی زیاتر: سەبارەت بە پێکهێنانی کابینەی دەیەمی حکومەتی هەرێمی کوردستان؛ گفتوگۆکان بەردەوام دەبن و هەلومەرجی پێش هەڵبژاردنی پەرلەمانی عێراق گۆڕانکاری بەسەردا هاتووە، پشکی لایەنەکان بەگوێرەی ئسیتحقاقی هەڵبژاردن دەبێت.

باکگراوند: لە سەروبەرندی بانگەشەی هەڵبژاردنی پەرلەمانی عێراق، چەند جارێك سەرۆك بارزانی و بەرپرسانی باڵای پارتی دیموكراتی كوردستان دووپاتیان كردەوە كە دوای هەڵبژاردن هەلومەرج و گفتوگۆی پێكهێنانی كابینەی دەی حكومەتی هەرێمی كوردستان، وەك هی پێش هەڵبژاردن نابێت،