سەرۆکوەزیران مەسرور بارزانی خانوویەک پێشکەش بە خانەوادەیەکی لێقەوماوی چەمچەماڵ دەکات

ئاڤا نیوز

دوای ئەوەی چەند کەسێک لە چەمچەماڵ ڤیدیۆی ماڵێکی هەژاریان بۆ ئاڤا نارد، ژن و مێردێکی بەتەمەن داوا دەکەن ئاڤا بەسەریان بکاتەوە، مەسرور بارزانی، سەرۆکوەزیرانی هەرێمی کوردستان خانوویەکی پێشکەشکردن و ئەمڕۆش ئەو خێزانە چوونە ناو خانووە نوێیەکەیان.
 

چیرۆکی سەرەکی: لە چەمچەماڵ خێزانێکی هەژار لە خانوویەکی کۆندا دەژیان کە میراتی شەش برا و خوشکێکە، لەماوەی ڕابردوو لافاوەکەی چەمچەماڵ ماڵەکەیانی گرتەوە و ژیانییانی ئەوەندەی دیکە سەختتر کرد، سەرۆکوەزیران مەسرور بارزانی، دوای ئەوەی لە ئاڤا بارودۆخی ژیانی ئەو خێزانەی بینی، بڕیاری دا خانوویەکیان بۆ دروستبکات بە پێداویستییەکانی ناوماڵیشەوە، ئەمڕۆش بە کەمتر لە 24 کاتژمێر ئەو خێزانە چوونە ناو ماڵە نوێییەکان دڵخۆشی خۆیان دەڕبری.

لێدوانی فەرمی: ژیوار عەبدولڕەحمان، پەیامنێری ئاڤا بەشێوەی ڕاستەوخۆ لە گەشتی هەواڵەکانی کاتژمێر حەوت دا چووە ئەو ماڵە، ژن و مێردەکە قسەیان بۆ ئاڤا کرد، مام بوەرهان گوتی: "کاک مەسرور چەمچەماڵی لە بیر نەکردووە، چەمچەماڵ بێ ناز بوو بەڵام سەرۆکوەزیران لە بیری نەکردین.

- لە خۆشیان نەخەوتووین، دەجار چوومەتە دەرەوە، سوپاسی ئاڤا دەکەین پەیامی ئێمەی بە سەرۆکوەزیران گەیاند، کاک مەسرور برای گەورەمانە، یاخوا سەربەخۆیی هەرێمیش ڕابگەیەنێت".