گەشتکردن لە ڕێگەی دەروازەی زێت بەشێوەیەکی کاتی ڕادەگیرێت

ئاڤا نیوز

سبەی هەینی 19-12-2025 بۆ ماوەی یەک ڕۆژ هاتووچۆ و گەشتکردن لە سنووری دەروازەی نێودەوڵەتیی زێت دەوەستێت، ڕۆژی دووشەممە گەشتکردن ئاسایی دەبێتەوە.

وێنە گەورەکە: بەهۆی کارکردن لە ڕێگاوبانەکانی دەروازەی دەرەجیکی دیوی تورکیا، سبەی هەینی بۆ ماوەی یەک ڕۆژ هەموو هاتن و چوونێک لەڕێگەی دەروازەی نێودەوڵەتیی زێت دەوەستێت، دەروازەی نێودەوڵەتیی زێت، دەروازەیەکی نێوان هەرێمی کوردستان و وڵاتی تورکیایە، شوێنی جوگرافیاکەی دەکەوێتە سنووری ناحییەی شێروان مەزن لە قەزای مێرگەسۆری سەر بە ئیدارەی سەربەخۆی سۆران.

ڕاگەیێنراوی فەرمی: بەڕێوەبەرایەتیی دەروازەی نێودەوڵەتیی زێت، هاووڵاتیان و گەشتیاران ئاگادار دەکاتەوە، سبەی هەینی 19-12-2025 بۆ ماوەی یەک ڕۆژ هاتووچۆ و گەشتکردن لە سنووری دەروازەی نێودەوڵەتیی زێت _ دەرەجیک دەوەستێت، هەروەها بەوپێیەی ڕۆژانی شەممە و یەکشەممە لە وڵاتی تورکیا پشووە و لە دەروازەی نێودەوڵەتیی زێت هاتن و چوون نییە، بۆیە ڕۆژی دووشەممە 22-12-2025 دەروازەکە بەڕووی گەشتیاراندا کراوە دەبێت و گەشتکردن ئاسایی دەبێتەوە.