باڵیۆزخانەی ئەمریکا لە بەغدا سیستمی بەرگریی ئاسمانی تاقیدەکاتەوە

ئاڤا نیوز

باڵیۆزخانەی ئەمریکا لە بەغدا ڕایگەیاند، ئەمڕۆ هەینی تاقیکردنەوەیەکی تەقەمەنی ڕاستەقینە بۆ سیستەمی بەرگرییەکەی ئەنجام دەدات. 

ڕاگەیێنراوی فەرمی: باڵیۆزخانەکە لە بەیاننامەیەکدا کە "ئاڤا میدیا" بەدواداچوونی بۆ کردووە، دووپاتیکردەوە: "باڵیۆزخانەی ویلایەتە یەکگرتووەکانی ئەمریکا دەسەڵاتدارانی عێراقی ئاگادارکردووەتەوە لە ئەنجامدانی تاقیکردنەوەیەکی ڕۆتینی تەقەمەنی ڕاستەقینە بۆ سیستەمەکانی بەرگریی ئاسمانی لە ڕۆژی هەینی 19 کانوونی یەکەم لە بارەگای باڵیۆزخانەی  سەرەکی لە سەنتەری بەغدا."

لە بەیاننامەکەدا هاتووە: "باڵیۆزخانەی ئەمریکا لە بەغدا بەردەوام دەبێت لە کارە ئاساییەکانی بە شێوەیەکی سرووشتی."

ئەوەی پێویستە بیزانیت: ئەم جۆرە تاقیکردنەوانە بەشێکن لە ڕێکارە ئاساییەکانی پاراستنی ئاسایشی باڵیۆزخانەکان و دامەزراوە دیپلۆماسییەکان، بەتایبەت لە ناوچەیەک کە ئاڵۆزی ئەمنیی تێدایە.