ئاڤا، سوپڕایز بۆ کوڕە شەهیدێکی زیانلێکەوتووی لافاوەکەی چەمچەماڵ دەکات

ئاڤا نیوز

 

ئاڤا میدیا، سوپڕایز بۆ کوڕە شەهیدێکی زیانلێکەوتووی لافاوەکەی چەمچەماڵ دەکات و ئۆتۆمبێلێکی سفر کیلۆمەتری بۆ دەکڕێت.

 

وێنە گەورەکە: هەڵمەتی ئاڤا میدیا لە گەیاندنی هاوکاری و بەهەناوەچوونی زیانلێکەوتووانی لافاو لە سنووری چەمچەماڵ، شۆڕش، تەکیە، بازیان، ئاغجەلەر و پیرەمەگروون بەردەوامە.

 

سوپڕایزی ئاڤا: کەناڵی ئاڤا میدیا سوپرایز بۆ کوڕە شەهیدێکی زیانلێکەوتووی لافاوەکەی چەمچەماڵ دەکات و لەو پارەیەی خێرخوازان کە لە هەڵمەتەکەی ئاڤا کۆکراوەتەوە، ئۆتۆمبێلێکی سفر کیلۆمەتر بۆ ئەم کوڕە شەهیدەی چەمچەماڵ کڕی و هەر ئەمڕۆ ئۆتۆمبێلەکەی پێبەخشرا.

 

لێدوانی فەرمی: محەممەد، کە باوکی لە شەڕی داعش شەهید بووە و لە لافاوەکەی چەمچەماڵ ئۆتۆمبێلەکەی ژێرئاوکەوتبوو، بە ئاڤا میدیای گوت: هێندە دڵم خۆشە، دەستم دەلەرزێت و نازانم چۆن دەری ببڕم.

 

گۆشەیەکی دیکەی دیمەکەنە: محەممەد هەر لەگەڵ وەرگرتنی ئۆتۆمبێلەکە پێش ئەوەی لێبخوڕێت موژدەی سوپڕایزە خۆشەکەی بە دایکی گەیاند.

 

باکگراوند: محەممەد، گەنجێکی خەڵکی چەمچەماڵە و کوڕەشەهیدە، لەکاتی لافاوەکەی چمەچەماڵ ئۆتۆمبێلەکەی ژێرئاو دەکەوێت و بەکەڵکی دووبارە لێخوڕین نەماوە، ئەو کات قسەی بۆ ئاڤا میدیا کرد و باسی زیانەکانی ئۆتۆمبێلەکەی کرد و داوای بەهاناوەچوون و قەرەبووکردنەوەی کرد.

 

ئەمەش بزانە: ئاڤا بەدواداچوونی بۆ دۆخی ئەو خێزانە کرد و دەرکەوت کە بارودۆخی داراییان خراپە، هەر بۆیە ئاڤا سوپڕایزی بۆ ئەم گەنجە کرد و ئۆتۆمبێلێکی سفر کیلۆمەتری بۆ کڕی.