لە هەولێر ڕووداوەکانی ئاگرکەوتنەوە و خنکان کەم بوونەتەوە

ئاڤا نیوز

 

ڕائید شاخەوان سەعید، وتەبێژی بەرگریی شارستانیی هەولێر بە ئاڤا میدیای وت: ژمارەی ڕووداوەکانی ئاگرکەوتنەوە و خنکان بە بەراورد بە ساڵی ڕابردوو زۆر کەم بووەتەوە.

 

هۆکارە زانراوەکان: وتەبێژی بەرگریی شارستانی هەولێر گوتیشی: "دابینکردنی ئامێرەکانی ئاگرکوژێنەوە، کەلوپەل و پێداویستییە لۆجستییەکان، دابینکردنی ئۆتۆمبێلی ئاگرکوژێنەوەی سەردەمیانە، مەشق و ڕاهێنان و کردنەوەی خول بۆ تیمەکەمانی بەرگری شارستانی، دانانی پلانی باش و سەردەمیانە و کەم کردنەوەی ڕۆتین، چاوپۆشینەکردن و سزادانی سەرپێچیکاران هۆکاری کەم بوونەوەی ڕووداوەکانی خنکان و ئاگرتنەوەن.

 

ژمارەکان وا دەڵێن:

 

ڕووداوەکان لە ساڵی 2024؛ لە ساڵی کۆی گشیی دوو هەزار و 237 ڕووداو هەبووە.

-ڕووداو بەهۆی کارەباوە 730 ڕووداو
-ڕووداو بەهۆکاری نادیار 670
-ڕووداو بەهۆی غاز 200 
-ڕووداو بەهۆی کەمتەرخەمیەوە 320 
-ڕووداو بەهۆی جگەرەوە 105 
-ڕووداو بەهۆی یاری منداڵانەوە 110 
-ڕووداوەکان بەهۆکارەکانی دیکە 70 
- خنکان لە ئاودا 31 

ڕووداوەکان لە ساڵی 2025دا؛ کۆی گشیی هەزار و 526 ڕووداو هەبووە

 

-ڕووداو بەهۆی کارەبا 459 
-ڕووداو بەهۆی نادیار 423 
-ڕووداو بەهۆی غاز 140 
-ڕووداو بەهۆی کەمتەرخەمی 254 
-ڕووداو بەهۆی جگەرە 28 
-ڕووداو بەهۆی یاری منداڵان 48 
-ڕووداو بەهۆی بە هۆکارەکانی دیکە 174 
- خنکان لە ئاو 22